tlhIngan-Hol Archive: Fri Sep 08 16:14:17 1995
[Date Prev][Date Next][Thread Prev][Thread Next]
Re: }} nuq neH qeylIS
- From: "William H. Martin" <[email protected]>
- Subject: Re: }} nuq neH qeylIS
- Date: Fri, 8 Sep 1995 16:14:17 -0400 (EDT)
According to [email protected]:
nuq? ghuy'Do'oy! bIchegh!
> >yap quv 'e' vIHarbe'. batlh yIn vulqanganpu' je 'ach yapbe' vulqangan
> >yIn 'e' qel tlhInganpu'. vulqanganpu' chaHbe'chu' tlhInganpu''e'.
> >yIn lutIvlaHbej tlhInganpu'. batlh yInbe' neH tlhIngan 'ach quv Hev 'e'
> >tIv tlhIngan. ta'meyDaj lughovlu' 'e' tIv tlhIngan. Suv SuvwI' 'ach
> >qaD tIv SuvwI'na'. yInlu'chugh potlhbe' 'ej Heghlu'chugh potlhbe'.
> >potlhna' 'oHtaH qaD'e'. yIn luDajmoH qaDmey'e'.
>
> mu'vam'e' ghItlhta'bogh yoDtargh vIQochqu'. qeSDaj yIqelchu', valmo' ghaH.
nuqjatlh? jIyajHa' 'e' vIHar. yoDtargh mu' DaQochqu'chugh vaj
qatlh <<qeSDaj yIqelchu', valmo'ghaH,>> Dajatlhpu'?
> batlh qelbogh tlhIngan qech'e' yIqelchu' je. yIn quv ra' tlhIngan lurDech.
qarba'.
> QuchtaHghach yIqImHa'. qaDmey Qu'mey je tIbuSbej. yIn wanI'meyDaq yISIchlI',
> 'ej tIjeSqu'. qaD tIlaj 'ej yIQap. Qapla' DaneHchugh 'IttaHghach
> DatlhojlaHbe'.
batlh SuvwI'na' DataHchugh vay' 'ej yInDaj tIvchugh je ghaH vaj
ghu'vam vIlajlaH. pIj mubechmoH Qu' quv, 'ach mubechmoHbe' Qu'
law'. Qu'mey quv vItIvlaH.
> pIj 'ItmoHlaH yIn ghu'. 'ItmoHlaH, DujeytaHvIS neH. yIn ghu' DajeymeH,
> qaDmeyDaj yIlaj SoH. SoHDaq QuchtaHghach DachenmoH SoH. yInvo' 'IttaHghach
> nop Qapla', yonmoHchu'chugh Qapla'na'. yIn Qu''a' DachavmeH, yIn qaDmey
> tIlaj.
HIja'!
> bIQuchlaH je, motlhlaHmo' Dotlh Quch. reH Quch ghu; ru'qu'ba'
> 'IQtaHghachchaj, SaQDI'. qetqang 'ej Haghqang puq Qup. rInDI' poHlIj Qup,
> bIngoy'nISchoH; Qu'mey DalajnIS. bInIDtaH, 'ej bInIDtaH, 'ej Qapla'
> DachavchoH. yonmoH Qapla'. QuchmoH yIn ghu'.
>
> QuchtaHghach wuvbe'bej yIn ghu'mey, chIch yIn Qu''a' DalajDI'.
qechlIj vIparHa'. bIcheghmo' jIQuch.
> ghuy'Do
charghwI'
--
\___
o_/ \
<\__,\
"> | Get a grip.
` |