tlhIngan-Hol Archive: Mon Oct 16 14:17:01 1995
[Date Prev][Date Next][Thread Prev][Thread Next]
Re: }} "like" question
- From: [email protected]
- Subject: Re: }} "like" question
- Date: Mon, 16 Oct 1995 17:16:30 -0400
"[email protected]"Daq jabbI'ID ghommaj Daq'e' choHqa'lu'pa', jabbI'IDvam
vIghItlhta'. 'Iv jabbI'ID vIjangmeH jIHechpu'? 'e' vIqawbe'; Do'Ha'. DaH
yIlaD, 'ej yIqelchu'.
>Since <lItHa'> means "get off," what does <lIt> alone mean? I do not see it
>as a counterpart for <yong>. Comments please.
vaj mu'mey'e' Datlhobpu'bogh DaHev je. SIvmoH mu'mey <lItHa'>, <roSHa'> je.
mojaqHey <-Ha'> lughaj net tu'law'. 'a ghaytan bIHvo' <-Ha'> noplaHbe' vay'.
wotna' bIHbejbe' <lIt>'e', <roS>'e' je. ghu'vam QIjchu'meH yapbe'chugh
tlhIngan Hol De', vaj DIvI Hol De''e' yIqel.
moHaq ngeb ghajlaw' DIvI' mu' puS'e':
{_in_ept} <'umbe'>
{_dis_heveled} <ghIH>
{_in_corrigible} <tlhIv>
{ruth_less_} <wIH>
{_un_kempt} <Say'be', ghIH>
notlh mu'meyvam'e', DaHjaj moHaqqoqchaj noplu'DI'. <'um> 'oSbe'bej {ept}, 'ej
<Say'> 'oSbe' {kempt}; latlh je. DIvI' Hol mu'na' bIHbe'. tlhIngan HolDaq qaS
je ghu'vam, net HarlaH. ghaytan Dap mu' 'oH <lIt>'e'.
SovlIj yIlaw'moHtaH!
--ghuy'Do