tlhIngan-Hol Archive: Sun Jul 30 19:44:54 1995
[Date Prev][Date Next][Thread Prev][Thread Next]
}} gho 'oH yInwIj Hoch'e'
- From: [email protected] (Alan Anderson)
- Subject: }} gho 'oH yInwIj Hoch'e'
- Date: Sun, 30 Jul 1995 18:44:54 -0500
~Chicago~Daq qorDu'wIj vISuchtaHvIS bom vImughta'.
nuv mu'mey yImughQo' vIja'taH 'e' vIchiD.
chenbe'chugh qechmey chu' vaj nuqDaq 'oH batlh'e'?
'ach bom mu'mey vImughpu'.
qaStaHvIS po naQ bomvam bomtaH SoSwI' be'nI' loDnal.
tlhIngan mu'ghomwIj vIqempu' vaj ghaHvaD bom vImugh.
jIpo' 'e' Har ghaH 'ej mughta'ghachwIj parHa' ghaH.
ghaHvaD tlhIngan mu'mey ~English mughqa'ghach je vIghItlh.
tlhIHvaD tlhIngan mu'mey neH vIghItlh.
======== ======== ======== ========
gho 'oH yInwIj Hoch'e' :: nargh pemHov 'ej ngab pemHov
ramDaq leng maS ghoSpa' jajlo'
gho 'oH yInwIj Hoch'e' 'ach meq vIQIjlaHbe'
DIngqa'taH poHmey :: juSqa'taH DISmey
naDev jIHpu' 'e' vIQublaw' :: ghorgh qaS 'e' vIqawbe'
'a wIghomqa' 'e' vIQublaw'
tlheghna' ngaSbe' yabwIj 'ej Sar HemeywIj Hoch
not taghlu'chu' 'ach wej taHHa'lu'chu'
gho 'oH yInwIj Hoch'e' :: nargh pemHov 'ej ngab pemHov
ramDaq leng maS ghoSpa' jajlo'
gho 'oH yInwIj Hoch'e' 'ach meq vIQIjlaHbe'
DIngqa'taH poHmey :: juSqa'taH DISmey
======== ======== ======== ========
DatIvjaj 'ej puSjaj QaghmeywIj.
-- ghunchu'wI'