tlhIngan-Hol Archive: Tue Aug 15 17:59:18 1995
[Date Prev][Date Next][Thread Prev][Thread Next]
}} wanI'Hommey
- From: "William H. Martin" <[email protected]>
- Subject: }} wanI'Hommey
- Date: Tue, 15 Aug 1995 17:59:18 -0400 (EDT)
SochHu' *Utah* ghoS bangwI'. jImobchoH. jISaHbe'.
cha'Hu' chegh. ghoghDaj vIQoy 'ej jIQuchchoH. ghaH vIghoS 'ach
muyuv. jIHvo' yIghoS ra' bangwI'. Duj tujmo' jItuj 'ej jIHum
QIj ghaH. HIHotQo' ra'.
<<wejpuH>> vIQub. <<qaleghmo' vIQuch je>> vIQub.
De'wI' vIghoS 'ej ghunchu'wI' jabbI'ID vIlaD. vItIch 'ej
jIHIgh. chaq bangwI'mo' jIH QeH law' ghunchu'wI'mo' jIH QeH
puS. 'ach ghunchu'wI'vaD jIQeHchugh vaj SaHbe' ghunchu'wI' 'ej
bangwI'vaD jIQeHchugh vaj mumuS. vaj ghunchu'wI'vaD
jIQeHchoHlaw'.
DaHjaj <<qaStaHvIS wa' nem SoHvaD De'wI' chu' vIje'laHbe'>>
pInwIj jatlh. qaSDI' wa' ben bID <<qaSpa' wa' nem SoHvaD De'wI'
chu' vIje'bej!>> pInwIj jatlh.
DaHjaj mev De'wI'wIj. QapQo'.
vIchenHa'moH 'ej 'ay'meyvaD QIt <<bIQapbe'chugh vaj bIHegh>>
vIjatlh. vIchenqa'moHDI' QapchoHchu'.
chaq wa'leS Dub ghu'wIj.
charghwI'
--
\___
o_/ \
<\__,\
"> | Get a grip.
` |