tlhIngan-Hol Archive: Fri Jul 16 01:02:53 1993
[Date Prev][Date Next][Thread Prev][Thread Next]
Dochvam Dochvetlh je
- From: Captain Krankor <[email protected]>
- Subject: Dochvam Dochvetlh je
- Date: Fri, 16 Jul 93 01:50:18 -0400
nuqneH, juppu'wI'
qaStaHvIS poH'a', Doch puSqu' vIghItlhpu'. jabbI'IDmey vIHevtaH,
'ach Qu'mey law' vIta'nISpu'. DaH jIQumqa'. peHuch. {{:-)
Doch puS:
'oy'be'choHmo' charghwI' Ho' jIQuchqu'. Ho'Du' QaQ poQbej SuvwI'--
jaghmey chopmeH! 'oy'Daj tIvpu' 'e' vItul.
charghwI' lut vIlaDpu' 'ej vItIvpu'qu'. teH, qar'a'? 'ach,
charghwI', reH bIqawnIS: juplIj 'oH batlh'e'. 'e' Sovpu' vavlI'
'ej 'e' DaSovnIS SoH.
nuqjatlh mutlhob marqem. 'ach jIjatlhchu'pu' 'e' vIHar. nuq
Dayajbe'?
nuq latlh? toH. KlokovaD vay' vItlhob vIneH: qatlh reH
mu'meylIjDaq "-"mey DaghItlh? Dochvam vIyajbe'chu', 'ej Qatlh
jabbI'IDmeylIj laDghach. tlhIngan Hol Dalo'taHmo' jIQuchqu'-- naDev
SuvwI' Hol vIlegh reH 'e' vItIvqu'!-- 'ach "-"mey DachIlneSchugh vaj
tlho'wIj Daghajbej!
naDev tera'ngan Hol mughghach vInobqangbe', 'ach mughlaHbe'chugh
vay', "email"Daq tlhobghachmey mutlhoblaH.
[email protected] jIHtaH. ghoj nuvpu' reH 'e'
vIQaHqang, 'ach ghojmeH vumnIS; tera'ngan Hol vInobchugh vaj
ngeDqu'. wa'DIch nIteb bImugh 'e' yInID; cha'DIch jIQaH.
--Qanqoroyra'