tlhIngan-Hol Archive: Tue Dec 21 18:08:43 1993

Back to archive top level

To this year's listing



[Date Prev][Date Next][Thread Prev][Thread Next]

KBTP: _marqoS_ 'ay' Soch




ghaHDaq ghom *yeruSalem*vo' ghoSbogh *parISay'oS*pu' HaDwI'pu' puS je

ghopDu' quvHa' lo'taHvIS, vaj, ghopDu' Say'moHbe'bogh lo'taHvIS,
tIrSojmey Sop ghojwI'pu' puS 'e' lulegh

SopQo' *parISay'oS*pu' *yeHuDa*ngan Hoch je, ghopDu'chaj Say'moHbe'chugh
Say'moHghachvam vuStaHvIS DeSqIv; qup tIghmey leHtaHvIS

'ej ngevghachyotlhvo' SopQo', chaHDaq bIQ ghomHa'be'chugh
latlh law' leHmeH nevbogh tu'lu'
HIvje', Soj qeqghachngaSwI' je, baS ngaSwI' je, QongDaq je Say'moH

ghaH luyu' *parISay'oS*pu' HaDwI'pu' je:
	qatlh yIn ghojwI'pu'lI', qup tIghmey lobbe'taHvIS, 
	'ach ghopDu' quvHa' lo'taHvIS tIrSoj luSop?

chaH jatlh:
	maj nemSovghach maq *yeSay'a*, 
	tojwI'pu' tlhIHbogh buStaHvIS, Dochvam ghItlhpu'mo':
		wuSchaj lo'taHvIS muquvmoH ghotghomvam
		jIHvo' Hopqu'chu' tIqchaj

	muvuvtaHvIS, pagh luta'; 
	'oHmeH paQDI'norgh'e' yoq ra'ghach ghojmoHtaHvIS

	joH'a' ra'ghach bomejpu'DI', yoq tIgh boleH

'ej chaH jatlh:
	maj, tIghraj bochoqmeH, joH'a' raghach bolobHa'

	jatlhmo' *moySeS*:
		vavlI' SoSlI' je yIquvmoH
	jatlh je:
		SIbI' Heghmo' rInjaj vavvaD SoSvaD joq naDHa'bogh ghot'e'

	bojatlh:
		vavvaD SoSvaD joq,
		"qorban" 'oHbogh "joH'a'vaD nob" jatlhchugh vay', Huplu'be'

	vavvaD SoSvaD je vay' ta'lu' not 'e' bochaw',

	tIghrajvaD bonobbogh, joH'a' SoQ boqIltaHvIS
	'ej rurwI' law' bovang

cholmeH ghom'a' ra'qa'DI', chaH jatlh:
	HI'Ij Hoch 'ej peyaj

	ghot Hurvo' ghot'e' 'elbogh 'ej ghot quvHa'moHlaHbogh pagh'e' tu'lu'
	'ach ghot quvHa'moH ghotvo' tlheDbogh Dochmey'e'

ghom'a'vo' juH 'elDI', lut lubuStaHvIS ghaH luja' ghojwI'pu'Daj

chaH jatlh:
	yajlaHbe'qu''a' je tlhIH?
	Hurvo' ghot quvHa'moHlaHbe' ghot 'elbogh Hoch'e',

	tIqDaq ghaH 'elbe'mo' 'ach chorDaq 'el 'ej puchDaq teqlu',
	Hoch Soj Say'moHlu'taHvIS --- 'e' boSovbe''a'?

'ej jatlh:
	ghot quvHa'moH ghotvo' tlheDbogh Doch'e',

	ngaSlu'wI'vo', ghot tIqvo', tlheDmo' Qubghach mIgh:
	naghHa'ghach, nIHghach, chotghach,

	tlogh quvHa'moHghach, qurghach, mIghghach, tojghach, 
	naghghach tlhIvghach, mInDu' qurghach, lalDan tIchghach, 
	Hemqu'ghach, Doghghach

	ngaSlu'wI'vo' tlheD Hochvam mIgh 'ej ghot quvHa'moH

pa'vo' QotHa'DI', *tu'roS* SepDaq tlheD
juH 'elpu'DI', Sov pagh neHtaH, 'ej So''eghlaHbe'taH

ghaH buSbogh QIch'e' QoyDI' qa' lam ghajbogh puqbe' ghajbogh be''e',
SIbI' cholDI', qamDu'DajDaq pum

*'IghrIq* ghaH be''e'
boghghachmo' ghaH *SuropoynI'qIya*ngan'e'
puqbe'Dajvo' qa' DoHmoHmeH ghaH tlhob

ghaH jatlh:
	jon lalDan puqpu' net chaw'jaj
	wanI'vam wa'DIchvaD qaSjaj wanI'vam,
	QaQbe'mo' ghu'vam:
	puqpu' tIrSoj nge'lu' 'ej targhmeyvaD woDlu'

jang 'ej ghach jatlh:
	lu', joH
	puqpu' tIrSoj DI Sop SopghachDaq bIngDaq targhmey tu'lu'bogh

'ej ghaH jatlh:
	QIchDajvammo' yIjaH
	puqbe'Dajvo' 'elpu' mIghwI'

juHDajDaq mejpu'DI', QongDaqDaq Qot puq 'ej 'elpu' mIghwI' 'e' tu'

*tu'roS* Sepvo' mejqa'pu'DI', 
*SIDon* juS 'ej *ghalIlay'a* ngeng, *Deqa'polIS* Sep botlh je ghoS

ghaHvaD jatlhHa'taHbogh QoylaHbe'wI' luqem
ghaH HotmeH ghopDaj, lutlhob

ghom'a'vo' nIteb nge'pu'DI', QoyghachnochDajDaq nItlhDu'Daj lan
'ej nujbIQ lIngDI', jatDaj Hot

chal bejtaHvIS, tlhuHchu' 'ej ghaH jatlh:

	*'eppatlha'* 
'oHbogh
	yIpoS
poSchoH QoyghachDaj
SIbI' jatDaj baghghach baghHa'lu' 'ej jatlhchu'

paghvaD luja'meH chaH ra'
chaHvaD ra'taHvIS, ghur maqqu'ghachchaj

yay'ghachchaj juvlaH pagh 
'ej jatlh chaH:
	QaQ ta'ghachDaj Hoch
	QoylaHbe'wI' QoymoH 'ej jatlhlaHbe'wI' jatlhmoH jay'
-- 
***
"Relax." -- "yIleS." [Three seconds pause.] "Stop Relaxing!" -- "yIleSHa'!"
                                  --- the Conversational Klingon tape.
   Nick "I am not a Klingon. Much." Nicholas.    nsn@krang.vis.mu.oz.au
nIchyon jIH. nIchyon SoHbe'. nIchyon ghaHbe'. nIchyon tlhIHbe'. nIchyon jIHqu'.



Back to archive top level