Skip to content

la klingon. zei bangu ckule

la klingon. zei bangu ckule

ni’oni’o

co’a la pasosorenan. la klingon. zei bangu ckule goi kybycy. cu ca’o zukte
fi lezu’o penri’a lei se cinri be loi kulnrklingo bansaske ja klusaske
gi’e cumyri’a lenu casnu je sibycanja

.i mi se cmima loi je’a vrici

.i go’i loi sarji be la star. trek. be’o poi kucli le
bangrklingo ku’o joi loi xanri kelci tarti poi djica lenu leke’a xanri
prenu cu jetnu simlu ku’o joi loi ke tadni ja certu ke’e be loi bauske ja
samske ja menske be’o poi ga krici ledu’u le bangrklingo cu xamgu ke ctuca
selpli kei gi djica lenu jmino loi jibri loi zdicinri

.i ni’inai leza’i kybycy. se judri zo’epe la jorne jecta kei ra sornatmi

.imu’a loi ri cmima ca’a xabju su’ocino gugde ku jo’u ro lo ze bratumla

ni’o

le bangu be lai klingon. cu se simsa noda

.i fu’e sa’unai loi drata bangu pu se finti gi’a ji’a se finti seva’u lei
fi’arlisri prenu

.iku’i le bangrklingo cu jai mupli le’i so’u nu lo bancre seka’i finti lo
bangu be lei naltedypre

.iji’a lei ranmi pe la star. trek. jai nanca li su’ocino gi’e
te ciste lei fadni kulnu gi’ebo se cinri ve’u le terdi

.i la’edi’u krinu .uonai leza’i lai sonci bangu cu misno fu’o

ni’o

ju’i cfari tadni be le bangrklingo ko co’a tadni sepi’o la’o .gic. The Klingon Dictionary .gic. no’u la bangrklingo vlaste
zi’enoi la mark. okrand. finti ke’a zi’enoi se cupra la’o .gic. Pocket Books .gic. zi’enoi se tcita li
nopi’exazepapi’ezevomumusopi’exy. ci’e la .isybynyn.

.i my.obu noi bancertu pu finti le bangu seka’i la’o .gic. Paramount Studios .gic. gi’e pu sidju fi tu’a so’o skina
pe la star. trek ge’u .e so’o tivyskina pe la’o .gic. Star Trek: The Next Generation .gic.

.i .e’u ko terve’u geji’a la’o .gic. Conversational
Klingon
.gic. no’u la tavla bangrklingo to se tcita li
nopi’exazepapi’ezesozecisopi’emu ci’e la .isybynyn. toi gi la’o .gic. Power Klingon .gic. no’u la vlipa bangrklingo to se tcita
li nopi’exazepapi’ebizesozepi’ebi toi

.i le sego’i cu remei co srisnavelvei fi’ejecu’u la mark. okrand. cu’uji’a
la maikl. dorn. gi’e ka’e sidju do lepu’u cilre loi selba’u pe le
bangrklingo kei gi’e ka’e xe ctuca do pisu’o lei selpli jufra

.i ganai do xabju la jorne jecta gi le do diklo ke cukta zarci cu ka’e ju’o
cpacu fu’idai le cukta .e le velvei fi’o te vecnu do

.iji’a do ka’e te vecnu ra kybycy. sepi’o le
vi samdatnysorcu

ni’o

la’o .kliz. HolQeD
.kliz. goi xy. zi’enoi karni fi kybycy. fi’o te dikni le nanca be li fi’uvo
ku’o cu ralju ve cusku fo kybycy.

.i ro mupli cu ve cusku loi pixra ku jo’u loi fadni jo’u nalfadni prosa be
lei kulnrklingo banske ja bangu ja kulnu

.i ji’a so’eroi go’i pisu’o lei xatra befi lei cmima be’o poi jai vecu’u
darlu ja casnu loi sidbo ja se darlu pe loi pu mupli

.ije la’edi’u se jalge lenu simxu sinma gi’e zifre casnu

.i xy. zmadu le’e fadni nuzykarni fo lenu xy. balckule karni gi’e ve cusku
lei prosa poi pu se tcidu je se pinka fi lei certu terpinka poi na djuno fi
le te prosa ku’o ku’o gi’e cmima le’i se liste be la cukta sorcu pe la
trukamni ge’u .e la cabna bangu girzu

ni’o

ju’i loi co’ajapu’o tadni ga’obi’iga’o cretavla .e loi pu noroi tadni
be lo fange bangu be’o ga’obi’iga’o tcidu je ciska bebau so’i bangu do’u
ganai do se cinri le bangrklingo gi do .i’i cmima je kansa .e’usai mi
lepu’o tadni le bangu poi traji le ka sutra banro kei le’i bangu pe le
munje pe’a

ni’o

zoi .kliz. Qapla’.kliz.

sei ri lesi’o snada kei le bangrklingo cu valsi se’u
sei sepa’a zo co’o vi se pilno

co’o mi’e kybycy. neka’i

la’o .gic. Lawrence M. Schoen .gic.

noi
jatna kybycy.

.i dei se fanva
la’o .gic. Mark
Shoulson
.gic.


* Back to KLI Home Page

This page was last modified on March 30, 2014 and is managed by:

The Klingon Language Institute is a nonprofit corporation and exists to facilitate the scholarly exploration of the Klingon language and culture. Klingon, Star Trek, and all related marks are Copyrights and Trademarks of Paramount Pictures. All Rights Reserved. Klingon Language Institute Authorized User.