Esther

qonwI': Marnen Laibow-Koser?

*'eSter* *meghIla*: 'ay' wa', mu'tlheghmey wa' Hut je joj.

1. qaStaHvIS *HoDu* *quS* je jojDaq wa'vatlh cha'maH yoS'a'mey che'pu'bogh *'aHaSweroS* jajmey qaSpu' wanI'mey. 2. *SuSa* veng jenDaq ta'quSDajDaq ba'pu'DI' ta' *'aHaSweroS*, 3. qaStaHvIS che'ghachDaj DIS wejDIch yaSpu'DajvaD bo'DIjnuvpu'DajvaD je 'uQ'a'

   chenmoHpu' *'aHaSweroS*. SaHpu' *perSIya* *meDIya* je mangghom yaSpu',
   chuQun, yoS'a' che'wI'pu' je,

4. 'ej qaStaHviS jajmey law', qaStaHviS bID DIS, wo'Daj mipghach DojghachDaj

   Dunghach je 'angpu'.

5. rIntaHDI' wanI'vam, *SuSa* veng jenDaq Qongbogh loDpu' HochvaD ta' qachHom

   Du'HomDaq Soch jaj yupma' chenmoHpu' ta'. potlhwI'vaD potlhbe'wI'vaD je
   chenmoHpu'.

6. 'IHchoHmeH Du'Hom, baS chIS QebmeyDaq *lInen* tlheghHommey nagh chIS tutmey

   Doq *qoton* ngupmey chIS Doq je lurarlu', 'ej *porvIrIy* nagh chIS naghmey
   wovghachmey Sar je naghHom let 'IH ravDaq baS chIS baS SuD je quS'a'mey.

7. 'ej baS SuD HIvje'meyDaq tlhutlhlaHwI'mey lujablu'pu', 'ej HIvje'mey Hoch

   pImchuq; 'ej ta' HIq law'bejqu' tu'lu'pu' -- 'e' ghajnIS ta'.

8. 'ach chut lobbe'pu' tlhutlhghach: ra'pu' pagh; tlhutlh luneHDI' mebpu' Hoch

   jab jabwI'pu' 'e' ghaH ra'pu' ta'.

9. ta' *'aHaSweroS* ta' juHDaq be'pu'vaD yupma' chenmoHpu' be'ta' *vaStIy* je.

Jonah Ruth Klingon Bible Translation Project