tlhIngan-Hol Archive: Mon Nov 03 13:48:07 2014
[Date Prev][Date Next][Thread Prev][Thread Next]
Re: [Tlhingan-hol] mayQoSavte'mo' jIloStaH.
taQ yIn.
Microsoft-Daq jIvum. Windows (Qorwagh) pat vIghun. tlhIngan Hol vIjatlh.
'ej DaH yaHwIjDaq jIba', Microsoft-Daq, 'ej QInvam vIHev. pat vIlIngbogh jIH'e' lo'DI' lojmIt tI'wI' nuv, bep. bepDI', bepchu'. qarchu' mu'meyDaj - pIj loSnIS Hoch'e' De'wI' lo'DI'. meq vISovbej 'ej vIQIjlaHbej, 'ach ram meqmey. potlh poH'e' natlhchu'bogh De'wI'mey QIp.
mu'IQmoH 'ej muQeHmoH QInvam. jItlhIjQo' jIH'e' - naDev jIvum neH - 'ach QaQbe'mo' pat'e' lo'bogh De'wI'lIj jIqoSbej.
taQ yIn.
pagh
-----Original Message-----
From: [email protected] [mailto:[email protected]]
Sent: Monday, November 3, 2014 1:11 PM
To: tlhIngan Hol mailing list
Subject: [Tlhingan-hol] mayQoSavte'mo' jIloStaH.
pIj muloSqu’moHmo’ mayQoSavte’ Qorwagh Soch lo’bogh De’wI’mey vImuSqu'. QIt ghoS. bIQtIq’a' taD rur.
reH ghunqa’ghachmey chu’ poQtaH. lI’taHvIS ghunqa’ghachmeyvam jIloSnIS. jomtaHvIS ghunqa’ghachmeyvam jIloSnIS. ghunqa’ghachmeymo’ mevnIS ‘ej chu’nISqa’mo’ jIloSnIS.
De’wI’ vIchu’moHDI’, “Dell” HaSta vIlegh ‘ej vImugh: <<yIloS.>>
ghIq Hurgh HaSta vIlegh ‘ej vImugh: <<yIloStaH>>
ghIq <<chu’lI’ Qorwagh>> HaSta vIlegh, ‘ej vImugh <<yIloStaH>>
ghIq <<bIloSmeH qaqoy’>> HaSta vIlegh, ‘ej vImugh <<yIloStaH jay’>>
ghIq narghlaw’ Qorwagh “Desktop”, ‘ej vumbeHlaw’ De’wI’, ‘ach vIrupmoH ‘e’ vInIDDI’, DIngchoH rutlh neH. vumQo’ De’wI’. vumbeHbe’ba’!
nuqDaq ‘oHtaH De’wI’vam Hugh? HeghtaHvIS, mInDu’Daj vIbej vIneH.
_______________________________________________
Tlhingan-hol mailing list
[email protected]
http://mail.kli.org/mailman/listinfo/tlhingan-hol
_______________________________________________
Tlhingan-hol mailing list
[email protected]
http://mail.kli.org/mailman/listinfo/tlhingan-hol
![[KLI Member]](/pics/KLImemberbutton.gif "[KLI Member]"){kind=small}
![[Hol po'wI']](/pics/level3_big.png "[Hol po'wI']"){kind=small}