tlhIngan-Hol Archive: Thu May 31 18:47:10 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh chorghmaH Soch: bIQ HeHmey rar ravHom
At 07:19 '?????' 5/31/2012, De'vID jonpIn wrote:
Qov:
> Well, it's a thing pertaining to an aircraft, like a thread or
filament, but of a greater magnitude or significance. In this case
the English is "cable".
'ach 'ul Qay 'op SIrgh'a', 'ej luHmeH HoS Qay 'op SIrgh'a'.
HoS QaymeH, luH 'ej yuv SIrgh'a'vam, meHHomDaq naQ vIHmoHDI' 'orwI'.
> muD DujwIjDaq SIrgh'a'mey Sar lutu'lu'.
jIyaj.
> DerwI', ronwI'mey, torwI', QuQmey je SeH SIrgh'a'mey.
chay' SeH? SeHmeH 'ul maQ Qay'a'? pagh SeHmeH vIH'a' SIrgh'a'?
maQ vIyajbe'. mu' chu' tetlhmeyDaq vInej 'ach vISamlaHbe'.
muD DujwIjDaq HoS luQaymeH vIH Hoch SIrgh'a'mey vIperta'bogh. latlh
muD DujmeyvaD pImlaH ghu'.
> nIH QuQvaD nIn SeH SIrgh'a' vIloSbogh. tlhoS ghorpu'mo' SIrgh'a'vetlh,
motlh'a'?
qub. 'orwI' quSDaq vagh SanID repmey vIqonta' 'ej not qaS.
chay' ghorchoH? noS'a' Ha'DIbaH? pagh Qop neH?
qaStaHvIS jar vIHchu'be'mo' SIrgh'a' jIbeptaH. qay'be' jatlhtaH
loHwI'pu'. wejHu' vIpuvchoHDI' tlhoy tuj nIH QuQ Hatmey 'e' vIlegh.
Hat vInupmoHmeH HoS poQbogh naQ'e' vIluH 'ej Duj vItormoH. Duy'mo'
SIrgh'a' 'aqroS nIn vIpoQDI', 'aqroS nobbe'.
> QuQvetlhvaD nIn vISeHchoHDI' jIyuvqu'nIS
jIyajbe'. nuq Dayuv?
nIn vIchelmeH naQ vIyuv. SIrgh yuv naQ. (SIrgh'a' qoDDaq vIH SIrgh.
qam Do' Duj DatI'lahchugh SIrgh'a' Seghvam Daghov).
> 'ej rut yapbe' nIn. vaj SIrgh'a' chu' wIje' 'ej jom po'wI'.
Qatlhqu' jommeH mIw! DaH rInmo' maQuch.
maj. ghorgh SIrgh'a'vam DatamnISqa'?
ghorqa'DI'. qaSqa'DI' ghaytan jIpajta' 'ej chaq jIHeghpu'. wejmaH
chorgh ben laSvarghDaq SIrgh'a' jomlu'. muD Duj 'oghlu'DI' SIrghvam
tamnIS vay' qelbe'lu'chu'. Sub ghaH Qu' ta'bogh loHwI''e'.
- Qov
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol
![[KLI Member]](/pics/KLImemberbutton.gif "[KLI Member]"){kind=small}
![[Hol po'wI']](/pics/level3_big.png "[Hol po'wI']"){kind=small}