tlhIngan-Hol Archive: Wed May 23 11:11:23 2012
[Date Prev][Date Next][Thread Prev][Thread Next]
Re: [Tlhingan-hol] mapuSchoHlI'
At 13:29 '?????' 5/22/2012, you wrote:
jav waQ, mej wej. pInwI' ghaH wa''e'. yaH jIlwI' ghaH wa''e'. ngaq Qu'
ta' wa''e'. mej luneHbe'. luneHbe' je ratlhwI'pu'. 'ach nurtaH Huch
Suqbogh malja' 'ej machnISchoH ghommaj 'e' luraD chelwI'pu'. pIn gheS
ratlhbogh wa'. Soch ghot maH.
may' rur. che'ronDaq pumDI' 'op, Daq HubnIS ratlhwI'pu'.
wa'Hu' De' qab wIghoj. mejnIS latlhpu'. wej Hoch wISov 'ach mejwI'pu'
ghuHmoHlu'. pInwI' chu' ghaH wa''e'. vumwI' potlh ghaH wa''e'. vumwI'
tam ghaH wa''e'. mej luneHbe'. 'ach nurtaHqu' Huch Suqbogh malja'
'ej... potlhwI' Qu' vIta'choH. loS ghot maH.
mejwI' SoH 'e' vIHaj vIlaDtaHvIS. bIratlhmo' jIbel 'ach bel QaQ
'oHbe'. ratlh latlhpu' 'ej chep malja' 'e' vImaS.
jImej jIH net raDbe'. potlhqu'law' Qu'wIj 'ej jIH 'um law' latlh 'um
puS. DaH Hoch Qu' wIta'meH mavumqu'nIS. ghur Qu'maj. DaH ghIQDI' vay'
ghurqa'bej latlhpu' Qu'. jIDo'qu' 'e' vIqawnIS 'ach latlhpu' ghu'mo'
jIQuchlaHbe'.
chepqa'jaj Sep.
- Qov
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol