tlhIngan-Hol Archive: Wed May 23 10:35:57 2012
[Date Prev][Date Next][Thread Prev][Thread Next]
Re: [Tlhingan-hol] bomwI'be'pu'
At 11:06 '?????' 5/23/2012, lab lojmIt tI'wI'nuv:
At 09:41 '?????' 5/23/2012, lojmIt tI'wI'nuv wrote:
bommeH ghom Qu' vItoy'lI'. ghomvam jeS be'pu' neH. muvlaH be'pu' neH.
(bommeychaj tIvlaH be'pu' neH. pIj loDpu' tIch 'ej be'pu' naD.)
nImaw'a' bommey?
rut nImaw bompu'wI' mu'mey.
bIHon'a'? vaj <<Hab SoSlI' Quch>> vIbom. qamawbe'. jIbom neH.
mumawlaH bommey, naSchugh 'ej muSlaw'chugh bomwI'.
tamHa'meH luch vIghaj. bomtaHvIS, vItamHa'moHlaHmeH luchvam vIlo'.
ghaytan luchwIj rurbogh luch Suqchugh be', ghIghvam vIluj.
Daj ghu'. Sagh'a' bomwI'pu' 'ach loDpu' nuStaHvIS qID'a'?
"Suffragette" bommey wIv. <<jIba'Qo'!>> maq. <<HoSghaj be'pu'>> maq.
<<'IHchu' Hoch be'pu'!>> maq.
pI' HochHom bomwI'pu' 'ej qan. najlaw'. ghaytan parmaqpu' qelDI'
be'pu' maS 'op.
Not that there's anything wrong with that.
Damughbe'pu'mo' muHaghqu'moH. lurDech vIttlhegh mojpu'.
'ach vItobtaHvIS, "vibes" Huj vIHev. qay'be'. wej vIHIvlu'.
cha' vatlh DeQ'e' muDIl ghomvam, 'ach luch chu' vIDIlmeH wej vatlh
DeQ poQlu'. verengan jIHbe'ba'.
luchwIj vIlo'mo' Huch munob vay'. Huch munobmo' luch vISuqmeH Huch
vInobnISbogh ghurHa'lu'.
vaj QoQ jan Dachu''a' SoH? pagh mI'wI'vaD luch Daghaj'a'?
janmey law' vIghaj. nuq DamaS?
QoQ janmeyvaD tlhoS jIjIvchu'. Seghmey vIngu'laH 'ach wabmey tIvmeH
laH vIHutlh. bommey vI'IjtaHvIS mu'mey vIbuS.
- Qov
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol