tlhIngan-Hol Archive: Mon May 21 06:49:34 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh HutmaH vagh: maghwI' Sep maghwI'
Essim accidentally escaped from the cave and is working to literally
cover her tracks so the soldiers can't find their way to Mahoun through her.
195
maghwI' Sep maghwI'
bIQtIq Donbogh He Sam 'eSSIm. naDev letmo' yav, ghItlhbe' DaSmey.
ngemvo' ghoSpu' 'eSSIm 'e' leghlaHbe'meH ghochwI', DaSmeyDajvo' lam
teq 'eSSIm, ghIq He ghoSlI'meH naghmey tIn neH gho'lI'. nejwI'pu'
ghoghmey Qoyqa' 'eSSIm. 'eSSIm He jojDaq latlh nagh tIn tu'lu'be'mo'
He SIchmeH Supqu' 'eSSIm. SaqDI' gho'Ha'qu'. Hevo' pum. qojvo'
pumbe'meH tI, naghmey je 'uchqu'. pumtaHvIS nItlhDu' tey nagh ghegh
'ej yavvo' 'op tI luH ghopDu'Daj. pagh HotlaH qamDu'Daj. qoj bIng
HopDaq naghmey jej, bIQtIq jaQ je lutu'lu' 'e' Sov 'eSSIm. chorDaj
bIngDaq charmo' lam, ghIrchoH. lavHom ngaD Sam ghopDu'Daj. qamDu'vaD
Daq SammeH pup 'ej nogh 'ach 'uchlaH ghopDu' neH. toSmeH DuvnIS wa'
ghop 'ach luQutlhlaHbe'mo' HuStaHbogh'uSDu', DuvmeH wa' ghop,
luHqu'nIS latlh. DeSDaj Doy' luHmoHmeH buSqu' 'eSSIm.
ghIchDaj tlhop bejtaHvIS 'eSSIm, cha'neHDaj 'uchchoH vay'. nachDaj
pepDI' 'eSSIm, tlhIngan mang Qup legh. HoHlI' pagh toDlI'?[216]
SovlaHbe' 'eSSIm. 'omlaHbe'. taj lellaHbe'. wunchu' 'eSSIm. latlh DeS
'uchchoH latlh mang. lupep 'ej qoj yorDaq lulan. yavDaq QottaH
'eSSIm. lamchu'. yIQchu'. Doy'ba'. nItlhDu' rIQmoHpu' naghmey 'ej DIr
teypu'. "qojvetlh toSta''a'?" jatlh mang yay'. bIng bejmeH qoj HeH
chol mang wejDIch.
SaH loS negh. tlhuH Suqqa'taHvIS 'eSSIm, nuDlI' mang loSDIch. nuHmey
nge'be' 'ach Dat loQ 'uy. rIQqu'be' 'eSSIm 'e' 'ol. 'eSSIm tlhe'ta'.
DaH QottaH 'ej Dung bej. "SIqwI'wIj yIbej," jatlh mang 'ej SIqwI'
nechmoH. lutlha' 'eSSIm mInDu'. "maj. tlhIngan SoH," jatlh mang, 'ej
'eSSIm volchaH qIp tochDaj. ghaytan che'ronDaq pIj negh rIQ nuDta'
mangvetlh. *veS* QelHom Degh cha'taH HIpDaj. QI' vuvqu' 'eSSIm 'ach
bIQtIqDaq 'eSSIm pummoHta' 'ej Mahoun quchta' 'e' nID.
"nuqDaq Mahoun?" jatlh bu'.[251] Mahoun QanmeH 'eSSIm, tlhIngan Sa'
tojqang. qechvetlh chIDvIp. chaq qar tlhIngan QI'. chaq reH wo'
maghqang maghwI' puqbe'. 'ach Mahoun QannIS 'eSSIm. jangbe'.
"nuqDaq ghaH?" jatlh bu'.
---
SKI: The soldiers find Essim and do not appear to mean her harm.
---
[216] Yes, this sentence lacks a question-forming device, be it word
or a particle. But the implied question is rhetorical anyway.
[251] Should be {nuqDaq ghaH Mahoun'e'} but the sergeant is cutting
to the chase with the short and slightly ungrammatical version.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol