tlhIngan-Hol Archive: Tue May 08 17:20:09 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh chorghmaH wej: bolmoH
Despite the good feelings she had about her knew friends, Essim did
her greater duty to the Empire and hailed *veS* to report their plans
to assassinate the General.
183: bolmoH
"nuq bop?" jatlh Sogh. may'Duj meHDaq toy'taHmo' ghaytan pIj QInmey
pegh Hev Soghvetlh.
"pegh," jatlh 'eSSIm.
"DaH Dujatlhrupbe' Sa'," jatlh Sogh. "ghaHvaD jabbI'ID yIqon."
"pegh'a'?" jatlh 'eSSIm.
"peghchu'," jatlh Sogh.
Sa' qImyalvaD wanI' tu'pu'bogh Delchu' 'eSSIm. jabbI'ID vanDI' yon
'eSSIm. tlhIngan matlh ghaH. tugh yejquv muv qImyal Sa'. chaq
toDta'bogh tej qaw 'ej QaH.
gheD pe'choH 'eSSIm. Ha'DIbaH ngImmoHbe'meH luH 'eS bagh 'ej teq 'ej
woD. 'Iw boSchoHDI' 'eSSIm, wewchoH QumwI'. qImyal ja'rupchoHmeH pur
'eSSIm 'ach rI'be'lI' qImyal. rI'lI' Mahoun. ghIHmo' ghopDu'Daj
QumwI' jangmeH leQDaq DeSqIv lan 'eSSIm.
"'eSSIm! ghuy'cha'! bIrIQqa''a'?" jatlh Mahoun.
ghopDu'Daj ghIH leghpu'. jatlh 'eSSIm, "ghobe'. 'uQwIj vIvutlI' neH."
jatlh Mahoun, "DaHjaj ram bavHa' Farsajii."[201]
reH ratlhlaHbe' Mahoun 'ej DaHjaj mej 'e' ghuHmoH, 'ach pay 'eSSIm.
jatlh, "yuQlIj DaghoS'a'?"
jatlh Manhoun, "ghobe'. naDev wej rIn Qu'maj. muDDaq law'mo' tatmey
jolpat lunIS. tIrvaD tlhoS lo'laHHa'. maloStaHvIS yuQ SumvaD naH ghoQ wIHIj."
jatlh 'eSSIm, "jolpat Dalo'laHbe'chu''a'?"
jatlh Mahoun, "QIt ngaQchoH jolpat 'ej pIj ngaQHa''eghchoH.
law'qu'mo' tIr, nuv Qanbogh pat wIngepta' vaj lujDI' jol, tIr wIQaw'.
nuvvaD QIt Qap 'ach Qobbe'." mon Mahoun. jatlh, "mej Farsajii 'ach
Qu'vetlh ngaj chavlaH beqwIj. vItlhejnISbe'. qatlhejlaH." rut tlhoy
jatlhmo' Mahoun puQchoH 'eSSIm, 'ach jatlh 'e' Qoyqa'laHbe'chugh
'IQqu' 'eSSIm.
jatlh 'eSSIm, "DaH HISuch. SoHvaD 'uQ vIvut." jabbI'ID vanta'DI' gheD
buSqa' 'eSSIm. wa' 'o' 'uS, QoghIj, tIq, chej je pol. tlhIngan tI
tlhorgh wIvmeH Du'HomDaj ghoS. Hutlogh chej SIjta'DI' 'oHDaq tI
tlhorgh ghoD 'ej HIq lIch. QoghIj 'ay' wIv. pe'qu' 'ej 'oH tI je DuD
ghIq tIqDaq ghoD. Ha'DIbaH 'ay'mey langqu' SIj 'eSSIm 'ej latlh
'elpI'Daq lan. 'IHmeH nay' yorDaq mInDu' chel 'ej HeHDaq 'aDDu' lIS.
raSDaq 'Iw HIq, bIQ bal je lan.
---
SKI: Essim does her Imperial duty and then prepares a special dinner
for Mahoun.
---
[201] I'm still bearing in mind SuStel's interpretation that every
verb must have an aspect suffix, but I don't believe it. I tried
here, but if he said {bIbavHa'lI'} then it's about the process, and
it isn't. It makes it seem like it's going on right now. He's just
saying. "Farsajii breaks orbit tonight" But if I were to say {DaHjaj
ram bIbavHa'ta'} everyone is going to read it as asking if he has already left.
Don't you just want to watch "Iron Chef Qo'noS" now?
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol