tlhIngan-Hol Archive: Tue May 01 13:28:09 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh SochmaH chorgh: bIQ ngaS
Almost at the end of this 'ay''a'. 'ay' 181 will be the final
installment in 'ay''a' Hut. I'm writing 'ay''a' wa'maH wa' right now,
and 'ay''a' wa'maH cha' will be the final chapter. Then I'll start
something else! Prehistoric Klingons have crossed my mind. Clan of
the Cave Targ, anyone? Requests of all sorts eagerly accepted. You
want every tenth chapter to be at an easier reading level? You want
me to change the amount of sex, violence, economics or talking? You
really, really want to read a story about Klingons in the used
furniture business? You want post KGT words footnoted? Tell me. I'll
make it happen.
---
vajar was having some trouble with his hearing aids, as he and his
crew strategize.
178: bIQ ngaS
vajar retlhDaq QamchoH Hota'ro' 'ej teSDajvaD jatlh, "nuq neH Sa'?
maweb neH'a' neH? DaSov'a', HoD?"
De' nejlaw'lI'bogh Sa', be'tlhar je Del vajar.
"chaq pu'jIn pegh, cham le' much," jatlh ghutar.
jatlh vajar, "qaStaHvIS wejmaH wej DIS lI'taHchugh cham, le'qu' 'oH."
jatlh Hota'ro', "De' vIloylaH. yejquv DevwI' pegh quvHa' 'oS De'.
yejquv muvmeH qImyal, yejquv DevwI'pu' ponnIS. tuHmoHlaHbogh De'
ghajchugh qImyal, DevwI' buQlaH. pegh polmeH, SamwI' HoHqangbej
yejquv. Suja'chuqtaHvIS qImyal SoH je, yejquv DevwI'pu' bop. DaH
wIyaj. De' DaSuqlaH'a', HoD?"
jatlh vajar, "jIchun 'ej jImatlh 'e' tlhojnIS. De' vIghajbe'."
jatlh ghutar, "yejquv De'vetlh wISamnIS 'ej DevwI'vaD bopbogh
wImuchnIS. yejquv tuHmoHbe'meH paj."
jatlh Hota'ro' 'ach Qoybe' HoD. "nuqjatlh?" jatlh.
jatlh ghutar, "nuHoH yejquv DevwI' 'e' Har Hota'ro'."
jachqa' Hota'ro'. jatlh, "De' DaSuqlaH 'e' Harmo' qImyal Sa'
Dujoy'qang. joy'wI' po' ghaH."
"wI'omnIS. tlhIngan batlh wIchoqnIS. wo' batlh wIHubmeH qImyal Sa'
wIHoHnISchugh, vaj qImyal Sa' wIHoH," jatlh ghutar.
reH ra'wI' HoH neH'a' ghutar? wIch 'ar Qoypu'? jatlh vajar, "wej
tlhInganpu' maH. may'Duj naQ SeHtaH qImyal Sa'. chay' Sa' wIHoH?" vaq
'e' Hech vajar 'ach jatlhtaHvIS SaghchoH mu'mey.
jatlh Hota'ro', "to'Daj wIlo'. Duy wIpon. luqeH 'op quv vuvtaHbogh
yaSpu''e'. HoHqang 'op."[247] nISwI' beH bopbogh mu'mey'e' jatlhlaw'
je Hota'ro' 'ach QoylaHbe' vajar. 'urmang luqelchoHpu'mo' moDchoH
vajar tIq. DaqwI'pu' nejmeH nachDaj tlhe'moH.
'ej SaH DaqwI'! ghaH 'em ghoSlI' 'eSSIm. DIvqu'mo' vajar qab
nachDu'chaj tlhe'moH ghutar Hota'ro' je. QuSwI'pu' muchbogh Hew
neHchugh vay', ghu'vam pup law' Hoch pup puS. taghtaHvIS ram choS
SIStaH. qach HeH bIngDaq Sa' luHoH 'e' luQuS wej tlhInganpu'.
yay'law' 'eSSIm. DIvmoHbogh mu'mey Qoyba'pu'. ghonDoq lel, 'ej Hub'eghrupchoH.
---
SKI: The three from Dugh are surprised by Essim while discussing an
audacious solution to the qImyal problem.
----
[247] Or should that be {quv luHo'taHbogh 'op yaSpu''e'}?
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol