tlhIngan-Hol Archive: Tue Mar 06 13:26:24 2012
[Date Prev][Date Next][Thread Prev][Thread Next]
[Tlhingan-hol] De'wI' ngejlu'pu'
yaHwIjDaq De'wI'mey vIloH 'ej vIleH. pIj muboQ latlh. wa' Hogh ret
Segh wItu'. qawHaq ngejtaH wa' De'wI'. tamey nej 'ej 'op choH.
mIghchoH tameyvam, 'ej lo'DI' latlh De'wI' mIghchoH je De'wI'.
vagh qawHaq De'wI'mey vIloH. ngIq wIHotlh. Hoch ngejlu'pu'.
qawHaqmeyvam lo' wa'maH De'wI'. DIHotlh. nIt wa' neH. qaStaHvIS wej
jaj De'wI'mey DIHotlhtaH 'ej tamey DISay'moHtaH 'ej QIt qawHaq
DIngejHa'. tagha' rIn Qu' 'ej maleSchoH...ghIq De'wI' wa'maH wa'DIch
rar vay'. mIghtaH De'wI'vam'e', 'ej nom qawHaq ngejqa' jay'.
qaStaHvIS jaj veb pat naQ DISay'qa'moH. mavumtaHvIS mIw pabHa' vay'
vaj qalchoH wa' De'wI' potlhqu', 'ej QapQo'. De'wI' Qumpat botlh SeH
De'wI'vam Qop. qaStaHvIS cha' jaj De'wI'vam wIyInqa'moH 'e' wInID. DaH
maQapta' 'e' wIHar. wIrarqa'pa' wIHotlhqa'qu'taH. wa'leS rInjaj
qulvam.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol