tlhIngan-Hol Archive: Fri Jun 22 21:24:51 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' cha'vatlh chorgh: baSQo'
At 20:15 '?????' 6/22/2012, you wrote:
On Tue, Jun 5, 2012 at 1:32 PM, Qov <[email protected]> wrote:
> 208: baSQo'
pong 'oH'a' mu'Heyvam'e'?
batlh bIloypu', 'ach bIloyHa'pu' DaH 'e' DaSov.
> jatlh Qa'bar, "puqloDwI' HoHta' qImyal! bong yelwIyyItnganvetlh
yab Qaw'pu',
> ghIq QaghmeyDaj So'meH 'oqnab HoHta' 'ej chunwI'pu' pIchta'. 'oqnab HoHta'
'oqnab ghaH Qa'bar puqloD'e' qar'a'? vIQoyDI', DIvI' Hol ngem HuDHom ponglaw'.
HIja'. DaH pongvetlh vIpar. vIchoH 'e' vIHech 'ach vIchoH
vIneHchoHpu'pa' vIlabpu'. qaqwI' Dachup DaneH'a'?
> 'ej qaStaHvIS wejmaH wej DIS HoHwI' nejlI' 'e' maq." SaHbe'bogh qImyal
pa' SaHbe' 'ej latlhpu' SaHbe'.
vIlaDqa'taHvIS vItu'. :-)
> HughDaq QeychoH Qa'bar ghopDu'. DevwI' QeH Sujbe'meH vIHbe'
'eSSIm, Mahoun 'uchtaHvIS.
DoS moj neHbe'. 'op Hu' Mahoun rur.
'eSSImvaD ngervetlh Daja'chugh DoS Damoj SoH. ('ach bIqar).
> pay' jatlh Qa'bar, "qatlh QInvetlh lanta' Qel? ngebbe' chay' 'e'
> vISov?" Qel lut QIj 'eSSIm. jot'eghmoHlaw'ta' Qa'bar. 'eSSIm 'Ijqu'. tamey
> bejqa'.
jotchugh QublaH. bIj naS nablaH. potlh ruv 'ach bortaS nIvqu' 'oH bortaS'e'.
ghorgh vavDaj quvna' qelchoH 'eSSIm?
Qagh Dangu'pu'. qechvetlh qeltaHvIS 'eSSIm qaS wanI' vIqIlta'bogh,
'ach wanI' vIteqDI', Qub 'eSSIm 'e' vIteq je. vItI'meH mIw vInablI'.
207 bertlham vIchel:
'uchtaHvIS 'eSSIm, QubchoH. tavam qonta' tarven, 'eSSIm vav. vaj
maghwI' ghaHbe' 'eSSIm vav. wo' QanmeH Heghpu'. HoH'eghbejta' 'ach
quvtaH, qar'a'? quvlaH'a' HoH'eghwI'? quvlaw' Qu'.
> wewchoH 'eSSIm QumwI'. jang. Mossam ghogh Qoy. cheghlaw'pu' Farsajii.
wej 'oH pIHlu' qar'a'?
> 'eqqu'.
toH, qar.
bIDun.
> Mahoun vemmoHlaHbe' 'eSSIm. mughwI' ngaSbe'mo' QumwI'vam ngo' 'ej
> yel Hol jatlhtaHmo' Mossam, HungpIn yajlaHbe' 'eSSIm 'ach mu'Daj loylaHbej.
> Mahoun yInroH SamlaHbe' Farsajii.
Daq lugh Hotlhbe'taH...Qo', yInroH botba' Qa'bar DujHom botjan,
So'wI' joq. yIntaH Mahoun 'e' lutu'be'nIS *veS* noch.
bIlugh. maj.
> QumwI'vaD jatlh 'eSSIm, "Heghpu' Mahoun.
> lom, 'aHDaj qoj DaneHchugh qachwIj tlhop QuvDaq yIQol." 'eSSIm mu'mey
> mughlaH Farsajii De'wI'.
'ej DaqlaH *veS*. vaj Mahoun yIn choqmeH nepnIS. Mossam QuchmoHbe' De' jay'.
qechvetlh vighajchoH SolchoHDI' 'eSSIm, Mossam je. cha'loS tlhoS
vIlon 'ach tagha' vIQapmoH.
> tamtaH Mossam. lujpu' jabbI'ID 'e' SIv 'eSSIm. yel Hol jatlhchoH Mossam.
> jatlh 'eSSIm, "Mossam, qayajlaHbe'. mughbe' QumwI'vam. DaneH'a'?"
>
> jatlh Mossam, "Hajaa."
Hol pupHa' QIch pupHa' joq yajmeH vay', tlhIngan Hol yajchu'nIS 'ej
po' qonwI' 'e' voqnIS.
yajlaHbe'chu'chugh QaptaH lut 'e' vIHar.
> Qolta'DI' Mossam 'e' tu'DI' noch, pa' Qol 'eSSIm. yIQ Mossam mIn Dechbogh
> pob'e' 'a jottaH[220]. buq tun qengtaH.
> [220] Hey. Maltz, "eyelashes," would that be that so hard?
"Eyelid hair" might work...if we had a word for "eyelid". But that
might imply furry eyelids. I never really thought about it before,
but eyelashes are a unique kind of hair, arranged in a neat linear
array. It does make sense for them to have a special name.
bIQochbe'moH jIyon.
> jatlh 'eSSIm, "Heghbe'pu' maHun. yIntaH. peghnIS. yaj'a'?"
>
> jatlh Mossam, "Mahoun. Haja."
>
> Mossam volchaH HotDI' 'eSSIm, DujDaq be'pu' jol Qa'bar. ravDaq QottaH
> Mahoun. ghaHDaq ghoS Mossam. retlhDaq torchoH nom
jatlh'eghtaHvIS. MahounvaD
> jatlhbe'law'. chaq QunchajvaD jatlh. Mahoun nach HotDI' loQ Sup Mossam.
merlaw' vay'. nuq tu'?
toH! wej DaSov! Daj. 'ej maj. bIjatlh "QIp'a' 'eSSIm?" 'e' vIpIH
'ach SoH 'eSSIm je lItojpu'.
> Mahoun porgh tlhe' 'ej nuDchoH. 'eSSIm pumlaw'. QIt jatlh 'eSSIm, "QongtaH
> neH. HIq. chech."
Do'Ha' mughwI'Daj laghta' 'eSSIm. ghaytan mughlaH Qa'bar De'wI', 'utDI'.
yel Hol bobcho' ghajtaHchugh.
> QumwI' lelchoHDI' Mossam jatlh 'eSSIm, "Qo'! qaja'pu'!" 'ach QumwI'
> poSchoHlI' Mossam. QumwI' 'uchbogh ghop SeHmeH jop 'eSSIm. Qapchu'. Mossam
> ghopvo' chagh QumwI' 'ach latlh ghop peplI' Mossam, pu'HIch QeqtaHvIS. pu'
> nge'meH yapbe' 'eSSIm Do. Mossam woS qIpmo' 'eSSIm, QeqHa'moH 'ej 'eSSIm
> nach juS tIH.
ghuy'cha'! nuq mup? Qa'bar Duj QIDtaH'a'?
> Mossam 'emvo' pu'HIch 'uchchoH 'e' nIDDI' 'eSSIm, bachqa'. tIH
> DoS leghbe' 'eSSIm. ret'aq luSeHmeH vaytaHvIS be'pu', MahounDaq pum Mossam
> 'ej MossamDaq pum 'eSSIm. jach Mahoun.
(I'm starting my wish list early. A word for "pile", either noun or
verb, would be useful.)
vIqontaHvIS mu'vetlh vIneHbe'. loDnal, jup, per chenmoHwI' je vIpoHpu'.
> HIch SeHchoH 'eSSIm ghIq
> ghopDu'chajDaq gho'qu' Qa'bar DaS.
<-Daq> yInop. 'utHa'moH <gho'>.
bIlughba'.
(loQ mumISmoH <ghopDu'>, <-chaj> vIyajpa'.)
> pu' luchaghDI', ghobwI'pu'vo' pup
> Qa'bar[310].
maj. DaH ja'chuqlaH 'ej ghotpu' tay DalaH.
> jatlh Mahoun, "baSQo'! yIbaSQo'!"
<ch> jatbogh vIghov. 'ay'vam per vIyajchoH.
maj.
> [310] This grappling scene was choreographed in my kitchen, using a dymo
> labeller, my husband, and a friend with twenty years of martial arts
> experience.
nuq DapernISpu'...toH, jIQIp. pu' lIw 'oHba' per chenmoHwI''e'.
HIja'. tugh Mossam merbogh ngoD Daghov.
"Set phaser to K...Fire! Set to I...Fire! Set to L..."
pIqaD per chenmoHwI' vIneHqu'. chenmoHlaH 'Iv?
- Qov
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol