tlhIngan-Hol Archive: Mon Jun 11 16:47:32 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh HutmaH jav: vIt 'eSSIm
At 13:29 '?????' 6/11/2012, ghunchu'wI' 'utlh wrote:
On Tue, May 22, 2012 at 10:09 AM, Qov <[email protected]> wrote:
> vIt 'eSSIm. ba'choH 'ej jatlh,
tlhoS jIbep: jum <ba'choH>. ghIq vIt vItlhoj. "sit down" 'oS, bong 'e'
vIghoj. SovqoqwIj vItI' 'e' vInID.
Seng vIghov. ba'choHlaH QotwI' QamwI' je. yablIj vIlISlaHDI' jIQuch.
> "mutoD 'e' nID! bIQtIqDaq mupummoHta'
> HIvwI'pu' vIleghbe'pu'bogh.
naDev <-be'pu'-> pup law' <-pu'be'-> pup puS.
maj.
> bIQtIqDaq jIghIr." tlhegh Delbe' 'eSSIm 'ej negh
> leghpu' 'e' chIDbe'. bIQ HurghDaq ghIrtaH 'e' Delchu'. bIQ jaQ Hajlaw' je
> 'IjtaHbogh negh.
QallaHbe'qu' tlhIngan, chaq 'e' luHar je.
HIja' lutwIjvaD qubqu' QallaHbogh tlhIngan.
> tamtaH; may'lut lu'IjtaHbogh puqpu''e' rur. 'eSSIm toDbogh
> Mahoun ghopDu' Del 'ej DaH lut ja'taHvIS Mahoun ghop 'uchqu'pu'
'e' qawlaw'.
> yeb HomDu' mach tappu' 'eSSIm, ghIq MahounDaq toSta'.
(yabwIj qotlh mu' <toSta'>. jIQIjlaHbe'.)
rut mu' vIchenmoHDI' 'ej ghaytan not mu'vetlh lo'ta'DI' vay', vIHo'
'ej muHaghmoH. <reghIrmoH> eh?
> nepbe' 'eSSIm. DaHjaj
> Mahoun HoHlaHbejpu'mo' SotchoH. DIvbejmo' 'eSSIm, lut 'Il Honbe' negh.
("Operation Mincemeat" lut DaSov'a'?)
ghobe'.
> ghaytan wanI' bejpu'. rIQmo' Mahoun qoj 'uchlaHbe' 'ej
toSlaHbe'ba'. Heghpu'
> Mahoun 'e' luHar. 'olpu' neH 'eSSIm.
tlhochbe'bej.
'eSSImvaD mIwvetlh Dachuppu'. majQa'.
> qojvetlh toSlaw'ta'mo' 'eSSIm vuv negh. jatlh toDwI'Daj Qup,
"bIHeghpu'chugh
> quvHa'qu'choH nIpummoHbogh nuvpu'. bIyIntaHmo' Do' je chaH."
chaH'e' pong. 'a Mahoun lunej ghom 'ar?
> jaq mang
> maqtaHvIS 'ach Do'wI'vetlh ghaH 'e' pIH 'eSSIm. DIvlaw' je latlh. Daj.
> ta'Heychaj lupaylaw'.
chaq ghutar luqIHpu'.
SIghqu' loDvetlh'e'!
> 'eSSImvaD jatlh bu', "lom Daq Dangu'laH'a'?"
>
> vItqa' 'eSSIm. jatlh, "ghobe'! lom yIjatlhQo'. reH 'eb tu'lu'."
toH, Mahoun QaHlaH vItHomDaj 'ach SenglaH je. Mahoun SaHqu' 'eSSIm 'e'
'ang. buQmeH nuH mojlaH ngoDvetlh.
bIval. SImbe'pu' 'eSSIm.
> jatlh bu', "Ha'. wInej. tatmeymo' QapHa' Duj nochmey 'ach DaH DubbejlI'.
> wISam."
bIQtIqDaq neH lunejnIS 'e' Qubba'. Dughqu'chugh, chaq waqmeyDaj Sam.
ngugh nuq luQub?
DaH nISIgh 'ay' permey 'e' vISov.
> QamchoH 'eSSIm 'ej bIQtIq HeDon yIt ghom. Hoqra'mey lo'taH cha'
> negh. cham wuv. lam ghIlthlu'bogh buSHa'chu'.
buDmoHlaw' cham nIv. jISaHbe' -- jIbuD 'e' vItIv.
mubuDqu'moH! muDDujDaq QapHa'choH GPSwIj tlhoS Qu'wIj
vIta'laHbe'! chorgh ben vIghajbe' 'ej Saskatchewan naQDaq jIpuv. He,
chuq je vISov. pu'jIn vIghaj. vIghoS. DaH ... vIHon.
> Qubqu'law'taH bu'. jatlh 'eSSIm, "nov ghaH, 'ej SuD, 'ach ghoqwI' ghaHbe'.
> 'anDorngan, qo'larngan joq rurbe'chu'."
nub'a' Hoch 'anDorngan? loQ jIHagh. 'eSSImvaD nublaHlaw' Hoch'e'.
yuQjIjDIvI'mo' boq Humanpu' 'anDornganpu' je. tlhab yel yuQ.
> qagh mang Qup. "wa'logh qo'larngnan be' vIngaghta'," jatlh. mIychoH
> latlhpu'. 'eSSIm Harpu' bu' 'e' noHlaHbe' 'eSSIm.
QI' Sun Hutlh neghvam.
Hov leng vIbejtaHvIS QI' Sun muchbogh negh'e' vIqawbe', Suvbe'taHvIS.
> chaH bIngDaq qojvo' pumtaH bIQtIq. bIQ SuvtaHvIS 'eSSIm, qojvam lIjchu'pu'.
vIlIjpu'be'. bIQtIq vIleghmeH qojmey vIbuS.
maj.
> SaH 'e' ghovpu'mo' Mahoun, Do'. 'eSSIm qechmey jatlh mang, "pa' pumpu'chugh
> lomna' wInejlI'."
>
> jatlh bu', "lom 'ay'mey bIjatlh 'e' DaHech."
porgh laghchugh bIQtIq ral, chaq Sop ghotI'. Sut 'ay'mey DuH law' lom
'ay'mey DuH puS.
yIloS ...
> Hagh QelHom 'ej jatlh ,"bIQ Ha'DIbaHmey pI' tInej. chay' nguv 'IwDaj?"[217]
wejpuH. bIQ Ha'DIbaH qel je ghaH.
wa' DoS boqIpmo' jatlhbogh nuv rur neghwI'. jIQuch.
> pujwI' Dabe'meH 'eSSIm qu''eghmoH. jup lom 'ay'mey leghvIpbe' tlhIngan.
> jatlh, "SuD je. Qo'noS chal rur."
chalvetlhmo' chenpu' bang pong net Sov.
lutDaq Sov 'eSSIm neH. naDev luSov laDwI'pu'.
> ngaDHa' 'eSSIm ghogh. tojnISbe'taH 'eSSIm.
> Mahoun San HajtaHmo' vIt qabDaj. wutlhDaq Mahoun buStaHvIS,
bIQtIqDaq Mahoun
> qellaw'taH.
bItqu'bej. 'oy' MahounDaj neHbe'bej.
Heghpu' 'e' Haj 'e' luHarmo', lI'.
> bIQtIq qoj bIngDaq ngengHom chenmoHpu' pumtaHbogh bIQ. qojvo'
> bIQ lIghpu'chugh vay', ngengHomvetlhDaq pum.
chenpu'chugh ngengHom, jenlaw' qoj. nuv 'ar 'aD?
vISImta' ghIq potlhbe'choH 'ej vIlIj. nuv HoHlaH.
- Qov
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol