tlhIngan-Hol Archive: Mon Jul 30 10:06:48 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay cha'vatlh loSmaH chorgh: quv tobmeH
<html>
<body>
qImyal blamed the attack on the councillor's ship on conspirators, vajar,
and Romulans.<br><br>
<h3><b>248 quv tobmeH</b></h3><font size=2>jatlh qImyal, «reH Suvrup
SuvwI''a', joHwI'. DujwIj Sun luSIgh beq matlhHa' vItoDpu'bogh.
toy''eghmeH neH vang vajar HoD, beqDaj je 'ej neptaH.» <br><br>
jatlh Qa'bar, «may'Duj beqlIj DaSeHlaHbe'chugh chay' wo' Dache'?
yejquvvaD Dojbe' wanI'vam, Sa'. wa'Hu' yejquvvaD naDlIj Qav[308]
vIngeHpu' 'ach nIlajpa' vIta'Ha'vIpbe'. DujlIjDaq qaStaH nuq?» <br><br>
jatlh qImyal, «DujwIj vISeHchu'taH, joHwI'. tachDaq Daw'choHpu'
chechwI'pu' puS. vIqoplu' 'ej wa'leS QuD DevwI' vIjoy' 'ej vImuH.
yIjeSneS. <i>naQjej yoH</i> toy'pu'. chaq qornab bopbogh De''e' Sov.»
<br><br>
leSlaw' Qa'bar. jatlh, «Daj. bIjoy'taHvIS qabej 'e' vItIvqu'. jIjeSbej.
qaHonpu' 'e' yIlIj. QuS 'olbogh Hung tameyraj'e' HIngeH. QuSwI' ta ngeb
pojtaHvIS po'wI'wI', yejquvvaD tameyraj 'ollaH je. laHlIj quvlIj joq qaD
vay' wIneHbe'.» <br><br>
jotHa'qu' Mahoun. tlhIngan mu'mey yajlaHbe'mo' beqDaq Do'. naSbej
tlhIngan tIgh. qama' joy'qang 'ej muHqang Mahoun Qorghpu'bogh loD'e'.
tlhoS 'eSSIm Mahoun je HoHpu' lotlhwI'Hey lumuHbogh 'ach joy'lu' neHbe'
Mahoun. 'eSSIm vuD qelbe' Mahoun 'e' nID. <br><br>
jatlh qImyal, «vIngeHbej, joHwI' quv.» <br><br>
jatlh Qa'bar, «maj. naDev Mahoun, parmaqqayDaj je tlhogh wIloptaH.
ghomuv.» QumwI'Daj jangmeH qagh'egh Qa'bar. [327]<br><br>
QumwI'vo' jatlh qaH'eng ghogh, «joHwI', Hoch patmey vItI'ta'. vIrInmoHmeH
SoSbor De'wI' vIchu'nISqa'. Dachaw''a'?» <br><br>
jatlh Qa'bar, «Qu'lIjvaD 'utchugh yIruch, qaH'eng Sogh. Degh SeHlaw
botobmeH Duj puv Hota'ro' Sogh 'e' vIchaw' je.» QumwI' SoQmoH Qa'bar 'ej
jengva' woH. Soj nejchoHmeH tlhe''eghlI'mo' Qa'bar, qImyal qab leghbe'.
Mahoun ghIjqu'mo' qImyal qab, qImyal ghop leghbe', HIvmeH joppa' Mossam.
nISwI' lellI' qImyal. QeqlaHpa' qImyal pummoH Mossam, nISwI' 'uchbogh
ghop tlhe'taHvIS. rav lumup be'pu' ghopDu', nISwI' je. noDlaw' qImyal.
'oy'mo' moHchoH Mossam qab 'ach nISwI' 'uchHa'be'. <br><br>
jach latlh yelwIyyItnganpu'. 'uchchuq 'ej lavmey 'emDaq So''egh.
«'Iyyyyyyyyyyyyyyyyy!!!!!!!» jatlhtaH Tiadynsan [307]. Haw'lI' jabwI'pu'
Sungpu' je. nISwI' SeHchoH qImyal. Mossam qabDaq Qeq. chu'wI'Daq QeychoH
qImyal SIqwI' 'e' leghlaH Mahoun.<br>
---<br>
</font>SKI: Mossam and qImyal are engaged in combat.<br>
---<br>
[327] Star Trek was about thirty years ahead of its time with everyone
carrying that little device of interruption everywhere.<br>
[307] I practiced making this noise for a bit while writing this part. I
warned my husband I was going to do it, and then explained that I was
trying to figure out how to spell it. He said he had heard seven
exclamation points.<br>
[308] I'm bothered wondering whether Qav means "final" or
"most recent" or both. It could mean either here, but still
doesn't necessarily make sense. I'm trying for the idea of the final one
in a series.<br>
</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol