tlhIngan-Hol Archive: Thu Jul 26 20:10:31 2012
[Date Prev][Date Next][Thread Prev][Thread Next]
[Tlhingan-hol] nup bop bom: 'ay' cha'vatlh loSmaH loS: meQtaHbogh qul moQ
Hota'ro' shoved Qa'bar out of the way to take control of his cruiser.
CONTENT: You've figured it out by now. I think I
forgot some warnings, but you know it's nuq bop
bom, there's going to be death and destruction.
There's death and destruction. No gore though.
---
244 meQtaHbogh qul moQ
Dochqu' 'orwI' 'ach po'bej. Degh naw' Hota'ro'
'e' chaw'DI' Qa'bar, Duj mI'moH be'. QoD qImyal
Duj 'ach baHrupDI' Qa'bar nuH, reH Qa'bar puSDaq
qImyal Duj tu'lu'[355]. nItlhDu'DajDaq Dujvetlh
ngaDmoHtaH Hota'ro'. qImyal Duj luHotlhtaH.
botjan luQIH 'ej tugh Duj'e' luQIHchoH, QIHna'
SIQbe'taHvIS Hov matlh. lujDI' qImyal 'o' nIH
botjan, bach Qeqqu' Qa'bar 'ej jorchu' Duj.
chalDaq DIngtaHvIS meQqu'taHbogh qul moQ,
yaychajmo' jachqu' vagh ghogh. tamtaH Hota'ro'.
Qugh luvemmoH 'ach loptaH neH 'e' leghDI' Qongqa' 'e' nID.
'eSSIm juH Qaw' Duj, pumDI'. DI Hotlhchu' Qa'bar.
yInroH tu'lu'be'chu'. jatlh, «DujvetlhDaq qImyal tu'lu'bej'a'?»
jatlh Hota'ro', «HIja'. ghoghDaj vIQoy tIjDI'
vajar HoD.» qughwI' SaqmoH Hota'ro'. yav HotDI'
Saqjan, tlhoS wanI' lutu'laHbe' raQpo'pu'.
Hu'taHvIS Hota'ro' jatlh, «rIpDuy quv, Degh DaSeHneS.»
'IQ 'orwI' qab 'ej QeH. «bangwI'!» jatlh jonwI',
'ach Duj 'o' ghoSmeH yIttaH 'orwI'. vajar beq
ghaH 'orwI'vetlh 'e' tlhoj Mahoun. HoDDaj HoHnISpu' 'e' luyajbe''a' latlhpu'?
tlhe''egh Mahoun 'ej 'orwI' tlha'. jatlh Mahoun,
«Hota'ro', vajar HoD vIvuv. jIQoS ...»
Qay' Hota'ro'. Mahoun pummoH, jatlhtaHvIS, «muvup
SuDwI' QIp vIpoQbe'bej jay'.» 'o' lojmIt poSmoH 'ej mej.
Mahoun QaHmeH moD 'eSSIm Mossam je. jatlh 'eSSIm,
«bIQIp'a'? bIDo'mo' DuHoHbe'pu'.» mIS Mahoun. qatlh Qorghchuqbe' tlhInganpu'?
vem Qugh. jatlh, «DummeH vay', QaQbe' Dujvam.» Hu' 'ej meH ghoS.
jatlh Qa'bar, «bortaS bIr jablu'DI' reH QaQqu'
nay' net jatlh. lugh vIttlhegh. tlhoy tujmo'
bortaSvam tlhoS vIpay. wejmaH wej ben Heghpu'DI'
ghubDaQwI' tlhoS puqbe'wI' mojpu' qImyal. vIvuv.
jaghpu'DajvaD wIH. juppu'DajvaD matlh. qaStaHvIS
wejmaH DIS mumaghtaH 'e' vIlajchu'pu'pa'
wIHoHta'. DujDajDaq ghaHbe'pu' 'e' vItul. chay' ghu'vam boyaj?»
QIt jatlh qaH'eng, «veSDaq qaSlI' ... QuDHom.»
lajlaw' Qa'bar. chuSqa' ghum. «latlh Duj 'oH'a' jay'?» jatlh qaH'eng.
«Farsajii 'oH», jatlh Qa'bar. Mossam rI'taH
Emlye, Farsajii QumpIn. jang Qa'bar, «Farsajii,
jatlh Hov matlh. naDev SaH HungpInra', HoDra',
HoDra' be'nal je. vIQolrup, DaneHchugh.»
jatlh Emlye, «mughHa'law' QumwI'. HoD be'nal bIjatlh'a'?»
jatlh Qa'bar, «HIja'. 'eSSIm.»
HaSta cholDI' Mahoun jach Emlye. «Mahoun!
bIyIntaH! 'ej bISawta'! 'ut tlhogh lopno'! loQ
yIloS.» jabbI'ID yev Emlye. Duj naQvaD Mahoun
parmaq Dotlh chu' maq 'e' Sov Mahoun.
---
SKI: Yet another ship enters the picture.
---
[355] The weapons need time to recharge? Sure,
they do in every video game I ever played. Why?
Look at the resources and risks dedicated to
cooling the weapons array on vajar's ship. The
little cruiser doesn't have that kind of cooling
system, so they can't be fired continuously.
There's probably a suicide override or someth--oh
man I'm reinventing Airbus flight control "Laws" for the Klingons.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol