tlhIngan-Hol Archive: Tue Jul 10 13:44:41 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh wejmaH cha': 'Iv Davoq?
qImyal made a number of suggestions, including
one involving Captain vajar's crotch.
CONTENT: blood and broken bones
232: 'Iv Davoq?
«qImyal Sa' ... », jatlh vajar. 'oy'
lumevmoHlaHbogh mu'mey''e' Sovbe' 'ach nIDnIS.
«nuq, HoD?» jatlh qImyal. «vay' Daqawpu''a'?»
nepchoH vajar. jatlh, «qama' Sevmeyvo' ... De'
vItlhap 'ach .... nIHta' ... HoDwI' ...»
jatlh qImyal, «nepQo'.» ba'qa' qImyal 'ej pe'vIl
nIH jan lIS. wab Qoy vajar. ghor'a' jan? ghobe'.
ghorpu' Hom. loQ mIm 'oy' 'ach Dachbe'. jachchoH
vajar. qImyal pIlmoHlaw'mo' vajar beymey, tamchoH
'e' nID vajar, 'ach lugh Sa'. beymey botlaHbe'.
qaStaHvIS lup law' jachtaH ghIq QopchoHmo' 'oy'
noch, Hugh je tamchoH 'ach bechtaH. poS lIS Sa'
'ej taghqa' 'oy'. qImyal qab bejtaH vajar. ngaghtaH 'e' tIvbogh be' nong rur.
qImyal 'emDaq poSchoH lojmIt. «Sa'!» jatlh 'avwI'.
«HIqaghQo' qaja'pu'!» jatlh qImyal. QeHqu'choH qabDaj.
«Sa', qaqaghnISneS. pavqu'», jatlh 'avwI'. boH
qImyal 'ach Hu' 'ej 'avwI'vaD jatlhmeH pa' mej.
bechlaHtaH neH vajar. QotchoH 'ej nogh. qama' SuD
bom qaw. bechtaHvIS bomlaHmo' yoHqu' Mahoun.
mu'mey nov qawbe' vajar 'ach HughDajDaq namtun
bomchoH vajar. loQ vajar qa' jotmoH bom.
poSqa'DI' lojmIt, rav bejtaHmo' vajar, 'elwI'
DaSmey neH legh. DaSmeyDaq 'Iw law' tu'lu'.
DaSmey bIng bejchoH vajar. DaSmey tuQtaH
ghutar'e'. betleH qeng wa' ghop. mIr pe'wI' qeng
latlh. pagh jatlh ghutar, vajar mIrmey pe'taHvIS.
tlhabDI' ghopDu', 'oy'taHbogh volchaHDu'
vIHchoHmoH vajar. wa' yaD jan QeyHa'choH 'ach
HotDI' tlhoS vulmoH 'oy'. tor ghutar, nuD 'ej
QeyHa'moH. teqDI' yaDvo' mej DIr, 'Iw,
yaDpachDu'[277] je 'ach ta'be'mo' qImyal, 'oy' SIQlaH vajar.
«jolpat chu'Ha'ta'mo' ngaH maQollaHbe'. DayItlaH
'e' DaHar'a', HoD?» jatlh ghutar.
puj vajar 'e' leghlaHmo' mang Qup, tuH vajar.
jatlh, «loQ. 'ach tlhoy bISuD'eghlI'. SIbI' cheghlaH 'avwI', qImyal joq.»
jatlh, ghutar, «naDev cha' 'avwI' DIHoHpu'.
qImyal wInejtaH. nISbe'meH latlhpu' HurDaq nuHub Hota'ro', latlh lotlhwI' je.»
«mumaghpu' Hota'ro'. ghoqwI' ghaH.» jatlh vajar, Hu'meH boQtaHvIS ghutar.
jatlh ghutar, «matlhchu' Hota'ro'. SoHvaD
Heghqang. Dumaghta' qoreQ. HoHta' Hota'ro'. pItoDta'DI' qImyal wIHoH je.»
jatlh vajar, «jatlh qImyal--»
jatlh ghutar, «'Iv Davoq, HoD?» yItmeH 'ej jachbe'meH buSnISmo' vajar, jangbe'.
---
SKI: ghutar to the rescue!
---
[277] C'mon, it's not canon, but it's got to be the word.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol