lay'tel SIvten
On Sun, Jul 8, 2012 at 9:22 AM, Qov
<<mailto:[email protected]>[email protected]> wrote:
vajar is playing mind games with vajar, while
inflicting enough pain to cloud his thinking and to make him cry out.
CONTENT: pain and blood and bodily harm.
231
tlhe'moHlu'DI' qoy'moH
jatlh qImyal, «Da'oymoHlu'DI' 'bIjach.
yItuHQo'. QaptaHvIS HughlIj taghDu'lIj je,
bIjach. DacherghlaHbe'chugh pIch Daghajbe'. bIyoHqu'. Dotlh!»
«Hota'ro'!» jatlh vajar. Hota'ro' pumbe' vajar
'a qen Hota'ro'vaD mu'meyvetlh jatlhpu'mo', mer.
 wa'Hu' Hota'ro'vaD jatlhtaHvIS vajar, ghorDaq
chaHtaHmo', qonlaHbe'pu' Hung HotlhwI'. ghoqwI'
ghaHlaH'a' Hota'ro''e'? veraghmey tlhe'be'qu'DI'
Sa', vajar tIq 'oy' law' law' vajar yaDDu' 'oy' law' puS.[276]
jatlh qImyal, «HIja', Dumaghta' je. Hoch
Daja'ta'bogh vISov. matlh yaSlI' 'e' DaHar'a'?
bIchunqu'. bIchun 'e' vISov. Qu'vetlh Dapeghmo'
bImatlhqu' 'e' DaHar. bImuj 'ach Do'Ha'
qaponlaHbe'. HeSwI'na' SoHbe' 'e' vISov.
nIjatlhmoHpu'DI' janmeyvam ra'ghomquvvaD De'
potlh vInob. chaHvaD ponmeH mIwmeywIj vI'angbe'.
bISappu' 'e' luHar. Sub Damoj. qaStaHvIS wejmaH
wej DIS De'vam nejlI' tlhIngan wo' 'ej nIteb choqta' vajar HoD.»
bechtaH vajar 'e' tIvqu'ba' qImyal. qaStaHvIS
tup puS loStaH. nongmoHlaw' vajar bep. jatlh,
«yIqel, HoD. qatlh DeghwI' po' vIghong 'ej
vIlon? ghoqwI'wI' ghaH je. loDnalDaj ghaH gharon'e'.»
DaH nepba' qImyal. ja' vajar, «qaH'eng.»
ja' qImyal, «chajDaj. DujlIjDaq Hota'ro'
DatlhobDI', DungaghnISbe'meH, be'pu' maS 'e'
maq. bI'up jatlhpu'mo' be'nalqoqlI', Dungagh
Hota'ro' 'e' vIra'be'.» joDqa' qImyal 'ej 'oy'
ghurmoH. DaH 'oy'taH marwI'Du', volchaHDu' je
'ej 'oy'choH je qam naQ, jatlh qImyal,
«Dumer'a' bep? ghopDu'lIj qamDu'lIj je rar Hoch
porghlIj 'oy' noch.». loS qImyal ghIq 'oy' ghurqa'moH. tlhuHHa'qu'choH vajar.
vajar qa' SIjlI'mo' qImyal mu'mey, qImyal jan
'oy' 'omlaHbe' vajar porgh. motlh rIQqu'taHvIS
lullaHtaH vajar. 'oy' SIQlaHbej, 'ach pIm
ghu'vam. qaStaHvIS may' pIj QIH tu'be' SuvwI'
Sey. jotqu'mo' qImyal 'ej loStaHmo' 'oy' qIlbe'
Seyqu'taHghach. maghpu' Hota'ro' 'e' HarlaHbe'
vajar. tlhuHtaHvIS jachchoH. jachDI' 'oy'choHmo' HughDaj, loQ yaD 'oy' qIl.
«maj», jatlh qImyal. DaH ghoghlIj
vIQoychoHbej. QaplI' mIw. DuDuQDI' taj bIregh.
qajoy'DI' bIjatlh. Da'omlaHbe'. yIlaj. DaH De' vIpoQbogh HIja'.»
'oy''a'mo' De' poQbogh qImyal qawbe' vajar. ghelpu''a'?
«pagh vISov», jatlh vajar. «HIHarneS.»
ghoghDaj QoyDI' puq ghogh rur. Sa' maw'
yonmoHmeH nuq ja'laH? ravDaq reghtaH yaDDu'Daj lutaplu'bogh.
bej neH qImyal. Hu' 'ej volchaHDu'Daj leSmoHmeH
DopmeyDaq DeSDu'Daj SIch. jatlh, «qIv DeSqIv
ghap Qaw'meH rurbogh janmey vIghaj. 'oy'qu'moH
je, 'ach Do'Ha' SuvwI' luQotlhchu'.» vajar chol
qImyal 'ej vajar 'uSDu' joj qotlhmeH DaSpu' lo'.
jatlh, «naDev jan vIjomlaH. 'oy'qu'ba' 'ej
che'ronvaD SuvwI' laH Qaw'chu'be'. 'ach rInDI' may' ... qay'laH.» Hagh qImyal.
---
SKI: qImyal continues to inflict physical and
emotional pain on vajar while insisting he provide information.
----
[276] There was a point at which I realized, "I
made my main antagonist an expert torturer. She
is convinced that my main protagonist has
information she needs. Now I can't get out of
this novel without a torture scene. I hate
torture! I don't want to write torture!" But I
did it anyway. I don't know about you, and I
know vajar isn't, but I'm having almost as much fun as qImyal is here! Â
_______________________________________________
Tlhingan-hol mailing list
<mailto:[email protected]>[email protected]
http://stodi.digitalkingdom.org/mailman/listinfo/tlhingan-hol
![[KLI Member]](/pics/KLImemberbutton.gif "[KLI Member]"){kind=small}
![[Hol po'wI']](/pics/level3_big.png "[Hol po'wI']"){kind=small}