tlhIngan-Hol Archive: Tue Jan 24 08:09:09 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh wejmaH Soch: <Dojlaw' quvDaj>
vajar & co were undergoing a strip search at the hands of Warfare
security guards.
137
pe'vIl tlhuH Hota'ro' 'e' QoylaH HoD. qabDaj leghlaH vajar. tlhoS
lImchoH Hota'ro'. mIrmey 'ompu'mo' yebDu'Daj pe'pu'. ghaHvaD jatlh
vajar, "He yIghoStaH, Sogh."
pa' 'el latlh nuv. jatlh, "naDev qaS nuq jay'? quvchaj tobmeH Sapta'.
quvraj'e' yIqIm. SIbI' tIngaQHa'moH." Hota'ro' ngaQHa'moHtaHvIS be',
wuS rIQ leghlaH vajar. cheghpu' la'. 'avwI'pu'vaD jatlh la', "qeylIS
pongvaD pe'Ip. ghotpu'vamDaq vay' Hat, vay' nub ghap boSamta''a'?"
"ghobe', qaH," jatlh 'avwI'pu'. Sutmeychaj tatlh 'avwI'pu' 'ej
tuQ'eghmoH beq. ghutar Hota'ro' je tlhabmoH 'avwI'pu' 'ach vajar lupol.
jatlh la' 'ach <vajar HoD> neH Qoy vajar.
jatlh vajar, "yIjatQo'. pe'vIl yIjatlh." lujlI' porgh 'e' chID SuvwI'
neHbe' 'ach yu'wI' QoylaHbe'chugh Hub'eghlaHbe'.
jatlh la', "DaH tach DaghoS DaneH, qar'a'?"
vajar DorchoH la'. yIttaHvIS jatlh "HIvqa' veqlargh." *veS* HungvaD
tlhIj 'e' yaj vajar.
vay' jatlh la', 'ach Hoch Qoybe' vajar. "QeHqu' Sa'. yIyep, vajar
HoD," jatlh 'e' Qoy. Sal Hoch vajar pob.
qaSpu'DI' tup puS loQ Hagh la' 'ej jatlh, "bIvalqu'. rurbogh tamey
qon tlhIngan HoD not 'e' vIlegh."
jatlh vajar, "ngIvtaHvIS tlharghDuj pIj Dalqu' Qu'. poH natlhlaH QonoS."
jatlh la', "Dalchu'be'. romuluSngan pu'jIn Dajonta'. romuluSngan Duj DatIjta'?"
tepqengwI' ngo'vo' pu'jInvetlh tlhapta' vajar. jatlh "QI' peghmey vI'angQo'."
yaj la'. tachDaq lupawta'DI' jatlh, "be'tlhar 'oH pongwIj'e'.
lInISchugh Hung, HIrI'."
chuS tach. naDev DaqlaHbe' Hung. jonwI' nejtaHvIS vajar, ghutar ghogh
Qoy, jatlh "vajar HoD! naDev!" raSDajDaq ba'taH je Hota'ro'.
yebDu'Daj So'meH tochDu'Daq tlhay'meyDaj 'uchtaH Hota'ro' 'e' tu' vajar.
ba'choH vajar. jatlh ghutar, "qepDaq quvmaj Datobta''a'?"
---
SKI: vajar gets held back for a moment, then catches up to Hota'ro' and ghutar.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol