tlhIngan-Hol Archive: Sun Feb 19 07:34:49 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh vaghmaH Hut: <SuDrup>
This is the end of 'ay''a' chorgh. I think 'ay''a' Hut is ready to
send, but I'll take a few days to review it before I start sending it
out. (And I'll still keep changing it until the day I send every 'ay').
Last 'ay' Essim taught Mahoun to target Klingon pain points, in order
to enhance her physical workout.
---
159
mI'qu'ta'mo' yonDI' 'eSSIm, Mahoun retlhDaq ba'choH. ghaH poS DeS
nuDqa' Mahoun. pagh tu'laH 'ej qaStaHvIS wejmaH wej DISmey pagh
tu'ta'. DeS Hot 'eSSIm 'ach De' 'aplo' tu'laHbe' je. Mahoun DeS lon
'ej qab nuDchoH. rol ghajbe'mo' puq woS ghaj 'ach yachtaHvIS lubejtaH
loD mInDu'. loD nov SaHqu'choHpu' QIp 'eSSIm, 'ach chaq ghaHvaD qaq
nov. jatlh 'eSSIm, "ben 'ar bIboghpu', Mahoun?[160]" nenchoHDI' 'ej
qanchoHDI' yelwIyyItngan, tlhIngan rur 'e' SIv.
jatlh Mahoun, "loSmaH Hut ben jIboghpu' 'ach pegh vIghaj. loSmaH jav
DISmey neH vISIQpu'. wa'logh jIHvaD poH ngajmoH gho'Do. qaStaHvIS wej
DISmey wa' jar neH vISIQpu'. jIqanbe'."
rurbogh lutmey Qoypu' 'eSSIm. jatlh "bIqID'a'?"
jatlh Mahoun, "ghobe'. jIvIt. motlh lutvetlh vIja'be' 'ach peghmey
DamuSmo' qaDIS."[186] yotlhDaq QotchoH Mahoun. 'engmey bejlaw'taH.
QotchoH je 'eSSIm. lugh Mahoun. Hoch peghmey Sov neH 'eSSIm. pay'
jatlh Mahoun, "tujoy, yuQwIjDaq jIHqa'taH De' teq Qel 'e' vIDIl. qangeH."
'eSSIm bItmoH qech. teqlu'DI' SaHtaH neHlaw'. qatlh? De' nIHlaHbe'meH
vay', pagh MahounvaD Qobbe'meH ghu'? De' Sov neHbe'mo'? Sovchu'be'.
nuq qonta' vavDaj, QelvaD De' 'aplo'vetlh nobpa'?
jangbe'taHDI' 'eSSIm jatlhqa' Mahoun, "vIt Qel 'e' DaHar'a'?"
vIt 'e' Har 'eSSIm. Heghbejpu' tarven. SaHbe'chugh De', qatlh Haq 'e'
Sap Qel? jatlh, "HIja'. vItlaw'."
Saghqu' Mahoun. jatlh, "yIntaH 'e' vISIv."
jatlh 'eSSIm, "chay'?"
jatlh Mahoun, "<vIQorghpu'> jatlh Qel. Qorghpu'chugh chaq yIntaH ghaH
puq je." toH 'eSSIm vav bopbogh mu'mey Qoybe'pu' Mahoun. qama' yatlh
qeltaH. chaq vIt, chaq bangpu'Hey nuQmeH ja'pu' neH. SuDrup 'eSSIm.
bangDaj 'uchchoH 'ej yotlhDaq QottaHvIS nga'chuq. ghaytan jIHtaH
Farsajii 'ach SaHbe' 'eSSIm. bejtaH neHchugh HungpInvetlh vaj
ghalchoH 'e' tul 'eSSIm. SuvtaHvIS po'qu'be' Mahoun 'ach latlh laHmey ghaj.
---
SKI: Well really, what were you expecting after all that fresh air,
pain and exercise?
---
[160] Forgive me but the dubious "authenticity" of having numerous
contradictory definitions of similarly named time periods for each of
the worlds in this story didn't seem to be to anyone's benefit. They
all use the same years/weeks/days, or close enough for government work, anyway.
[186] Maybe you won't like the auditor as the object of DIS, but as
what we call the direct and indirect object are kind of fluid with
nob, or ghojmoH, I'm okay with this, but understand if you don't like it.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol