tlhIngan-Hol Archive: Thu Feb 09 13:00:15 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh wejmaH wej: <qama' mIwmey>
On Fri, Jan 20, 2012 at 12:51 AM, Qov <[email protected]> wrote:
> vajar Sotlaw' Hotlh Sa'. "qama'lI' ghaHtaH nuvvetlh. Dajonpu''a' SoH?" jatlh
> Sa'.
(ragh laDmeH laHwIj. <Sotlaw'> vIyajHa'mo' jImISqu'. wot 'oHmo'
pabbe'chu' mu'tlhegh 'e' vIQub. QaghwIj vItlhojDI' lughchu' 'e'
vIleghlaH.)
> "ghobe'. ngugh ngaq Duj *naQjej yoH*Daq jItoy'. 'avwI' jIH neH. qama' jonpu'
> may'Duj *lotlhwI'* negh. Qo'noSDaq wIHIjmeH *naQjej yoH*Daq qama' luQay,"
> jatlh vajar.
qama' HIjlu' 'e' vIlajbej.
> "DaQay 'e' yIDelchu'," jatlh qImyal.
'a Qaybe' vajar'e'. 'av neH. qama' luQay *lotlhwI'* negh.
luHIjqu' *naQjej yoH* beq.
> jIjtaH vajar. QI' pegh 'oH De'vetlh'e' 'ach Sa'vaD peghbe'.
ra'ta' Sa'. jIjbe'chugh vajar tlhIv.
> qama' law'
> Qaypu' 'ach qama'vetlh SuD qawchu'. ghIHbe'meH qama' Qaylu'taHvIS, qaStaHvIS
> wa' jaj Qo'noS lupawpa' pagh Soj noblu'pu'. motlh bIQ law' tlhutlh
> qama'vetlh. 'ojmo' vIngpu'. qama' yebDu' baghta' 'ej ngIbDu'Daq mIrmey
> ngaQmoHta'. nuDchu'pu'.
toH. jIbepta' 'e' yIlIj. Qaypu'ghach cha'DIch Del.
> leghlaHbe'meH qama', qab So'bogh qama' mIv lan[110].
qab So'chugh mIv, roD mInDu' waQbe'. 'a chaq le' qama' mIv. He ghoch
joq Sovbe' qama' net wuqDI', mInDu' teSDu' je waQnIS mIv.
> pawpu' qama' DorwI'. nuv ghovbe'pu' vajar 'ej pong qawbe'. chaw' qar
> ghajpu'mo' qama' nobpu'. DorwI'vaD qama' QorghmeH De' ja'pu' vajar, <ralbe'.
> bIQ law' poQ 'ej rotlhHa' DIr>.
ghotI' mach rur.
> bIghHa' QonoSDaq De' chelchoHpu'DI' vajar,
> vay' Huj tu'pu'. qama'vetlhvaD <HIjlu'taHvIS Heghpu'> ghItlhlu'pu' 'ej
> HevwI' pong qIlta' vay'. HoD ja'pu'DI' jatlhpu' HoD, <yIbuSHa'. Qo'noS
> bIghHa' SIchpa' Hegh. DapIchlu'be'>.
Hujqu'. Heghpu'chugh qama'vam, chay' bomta' 'ej chay' *Dugh* Sotlaw'
HIjta'? HoHpu'be' wanI' SIQbogh. ja'pu' ghaH murotlhmoH.
> "may'Dujvo' vay' Daqem pagh vay' DaSo' 'e' ra''a' vay'? 'e' tlhob'a' vay'?"
> jatlh qImyal. qaSbe'pu'. vajarvaD Qumbe'pu' may'Duj beq.
<luchlIj ngaSwI' DaghoD'a' SoH neH?>
> "may'Dujvo' luch, nuvpu', De' joq Qaylu'pu''a'?" jatlh qImyal.
>
> "may'Dujvo' vIQaylu' jIH," jatlh vajar. ngugh wa'maH wen may' QIH
> tI'lu'taHvIS ngaqDujDaq Qaylu'pu'. qama' Qaylu'pu'. wa'logh jolpu' Qel 'ach
> SIbI' cheghpu'. jawbe'pu' vajar Qel je. ja'pu' vajar <roplaw' qama'. naDev
> yIloS. DaH mo' yI'el>. ja'pu' Qel <vInuDnIS. bIlugh. ropbej. vImunnIS.
> pItlh. 'arghchugh HIrI'qa'>. qama'vaD jatlhbe'law' Qel 'ach ram. tlhIngan
> Hol jatlhbe'pu' qama'.
'utbe' mu'mey law'. SengHey ngu' 'avwI'. 'ol Qel 'ej qay'be'moH. rIntaH.
> De' law''e' Sovbe'bogh vajar nejtaH qImyal. tagha' jatlh, "vajar HoD qaSuj
> vIneHbe' 'ach wo'vaD potlhqu' Qu'vam. may'Dujvetlhvo' De' pegh nIHta' vay'.
> Qaw'lu'mo' may'Duj wo'vaD 'ut De'. Dangu'laHchugh DuquvmoHbej wo'. chaq
> De'vetlh DapeghmeH neppu' vay'. Dangu'laHchugh Duvanqu' wo'. nuq DaSov?"
>
> QaH 'e' nIDqu' vajar 'ach De' pegh nejtaHbogh Sovbe'chu'.
De' pegh Sovbe'lu'DI' chaq Do'Ha'.
> [110] Anyone have a better way to describe hooding or blindfolding a
> prisoner?
paSqu' qeSwIj. <qama' nachDaq buq lan> vIparHa'. chaq loQ vIpImmoH:
<buqDaq qama' nach lan>.
Qap'a' <qama'vaD nach buq tuQmoH>?
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol