tlhIngan-Hol Archive: Wed Feb 08 08:13:08 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh wejmaH cha': <Qu'mey Del>
On Thu, Jan 19, 2012 at 9:45 AM, Qov <[email protected]> wrote:
> jatlh qImyal, "vajar HoD, yIloS. yIba'. bIghung'a'?"
not qImyal meq vIyaj. reH mumer tomeyDaj. pIch ghajbe' qonwI' 'e'
yISovchu' -- napbe'chugh ghu', pIjHa' nuv vIyaj.
> ghungbe' vajar. jatlh
> qImyal, "romuluSngan HIq DaneH'a'?"
<romuluS HIq> ponglu' qar'a'?
> vajar merqu'mo' Hagh qImyal. jatlh "qay'
> nuq, HoD?"
Quchba' qImyal.
> jatlh vajar, "Hatqu'mo' chomer 'ach weHwI'vo' bojonba'ta'. chaq nuHIvbogh
> weHwI'pu' boHoHta'."
>
> Saghqu'choH qImyal. jatlh, "ghobe'. ngevmeH HIjlI' tlhIngan HoD. jIjchu'mo'
> muHlu'be' 'ach numHa'chu'ba'."
chaq HIjwI' joS Qoypu' qImyal vaj pIHmoH .
> romuluSngan HIq jonpu' vajar 'ach reH tlhutlh
> beq. ngevchugh tlhIngan, romuluSngan wo' boQ. 'eyqu'. HIvje' laj.
HIq Hat DawoDnISDI', burgh veghchugh bep 'Iv?
> vajar, ghutar, Hota'ro' je Qu' De' Sov neH qImyal Sa', vaj Del vajar...
ghIrel SaHbe''a'?
> "nuqDaq 'oH juHlIj'e'?" jatlh qImyal.
>
> "*Dugh*Daq tu'lu'," jatlh vajar. qaStaHvIS wa'maH jav DIS tlharghDuj HoDpa'
> DabtaH vajar 'e' HarlaHbe' Sa'.
Dochmey ram boSbe'ba'.
> "nuqDaq Dab qorDu'lIj?" jatlh.
>
> <bIQ'a'Daq> Qubmo' vajar DaHjaj tuHmoHbe' mu'meyvetlh.
tlhaQ!
> jatlh, "qorDu'wIj
> vISovbe'." yu'taH Sa'. nepbe' vajar 'ach pIHtaH Sa'.
va. yuDHa'wI' voqQo'chugh not yonlaw'.
> "puqpu' Daghaj'a'?" jatlh qImyal Sa'. tempa' vajar, Qubmo', vay' nop 'e'
> Sovba' Sa' 'ach qaDbe'.
latlh lutHom 'oHlaw'.
>"bISawta''a'?" jatlh.[187]
>
> jatlh vajar, "cha'logh. may'Daq Hegh cha'. bortaS vISuqta'."
maj. tlhIngan ghaH.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol