tlhIngan-Hol Archive: Tue Aug 28 22:05:40 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh vaghmaH vagh: lut 'IQ
<html>
<body>
Doctor Kruge found out that qImyal had used him not allied with
him.<br><br>
255 - lut 'IQ<br><br>
<font size=2>rInpu'DI' jabbI'ID jot'eghmoH Qugh. jatlh, «<i>veS</i>Daq
SuvwI'pu' rIQ vIQorghnIS.» Duj QumwI'Daj lel.<br><br>
jatlh Mahoun, «yIloS. yelwIyyItngan SID yatlh vIQorghpu' bIjatlhDI'
bIvIt'a'?» <br><br>
«HIja'» jatlh Qugh, «'a lutvetlh 'IQ DaQoy DaneHbe', Mahoun. qama'
ghaHpu'. yIQub.» Duj rI' Qel. jatlh, «HIjol.» <br><br>
Qub Mahoun. ghaytan luHaDmeH pe'chu'ta' joy'wI'pu', 'a Qoyrup Mahoun.
jatlh, «HIja'qu'!»<br><br>
jatlh Qugh, «Hegh SoS. targh je'meH, ghu' tlhappu' Hung la'.» Qollu'.
lutvetlh Qoypu' Mahoun neHbe', 'ach rut SovnIS vay'. <br><br>
mobtaH Mahoun Qa'bar je. jatlh Mahoun, «toy'wI''a' jIHtaHvIS, nuq
vIta'pu'? toy'wI''a' DatoDqangmo' 'eSSImvaD nub ghu'. not mev peghmey.»
<br><br>
Haghqu'mo' Qa'bar, tlhepQe' ghay. jatlh, «leSlaH 'eSSIm. ngugh tIwIj
DapoDtaH 'ej ravmey DaSay'moHtaH.» Qub, ghIq jatlh, «qatoDlaHpu'mo'
jIbel. SoHvaD pegh qamuch.» tlhIngan loD mIllogh cha' Qa'bar. jatlh,
«puqnI'loDwI'. nIraq 'oH pongDaj'e'. qornab puqloD ghaH.» <br><br>
jatlh Mahoun, «tlhoy Duje' bIjatlh.»[332]<br><br>
mon Qa'bar. jatlh, «DavuQpu'. tarven tuq yu'wI'pu' vIvu'meH, Qotmagh
wIghoS. SoH nIraq je Satlhap. pa' Sep QIch bojatlhchoH. Saqun 'ach
SureHmeH bojatlhtaH. QotmaghDaq juH yotlhmajDaq ngeng mach tu'lu'.
ngengDaq bIQ Duj mach chIj puqnI'wI'. vIHo'meH DujDaq QamchoH 'ej DeSDu'
joqmoH. yoychoH Duj. bIyevbe'pu'. bIqetqu'mo' bInarghlI' 'e' DanIDlaw'
'ach puqnI'wI' potlh law' narghlI'bogh toy'wI''a' potlh puS, vaj
qatlha'be'pu'. bIQDaq bISup. bIQ qIp nachlIj bISaStaHvIS. bIQalchu' 'ej
bIQ tlhuHlaHpa' puqnI'wI' DatoDta'. bIcheghDI' tI DapoDqa' 'ej pagh
bIjatlh. vavnI' le'yo' Davuv.» <br><br>
jatlh Mahoun, «vItoDta'mo' jIHem. qatlh peghnISlu'?» <br><br>
jatlh Qa'bar, «tlhIngan wo' woQ Dayajbe'. 'op Qo'noS tlhachmeyvaD
mupujmoH lut.» lugh Qa'bar. yajbe' Mahoun 'ach peghqang. Duj mej.
<br><br>
reHmeH tlhaStaH 'eSSIm Hota'ro' je. po'qu' Hota'ro'. 'eSSIm
ghojmoHlaw'taH. be'pu' bejtaH vajar, ghIq Hu' 'ej Duj ghoS. rIghtaH ghaH
'ej rut yev. nach HomDaj ghorpu' qImyal 'ach SuvtaH vajar. qImyal puvbogh
quSvo' pumlaw'pu'mo' ngemDaq vulHa'choHpu'. yav'e' ghItlhpu'bogh qImyal
DaSmey leghpu'DI', qImyal ghochchoHpu'. veng 'elpu'mo' tlha'laHbe'DI'
jachqu'wI' Qoybogh ghoSpu'. vajar mevmoHlaH pagh. bIghHa'Daq Mahoun
'avpu'mo' SuvwI''a'vetlh, Do' Mahoun. DaHjaj Mahoun luDechtaH
tlhInganpu'. lumISmoHtaH 'ach lughIjbe'chu'taH 'e' tlhojmo' Mahoun,
Hem.<br>
--<br>
SKI: Mahoun dares to ask questions whose answers he slightly feared, and
is proud to realize how comfortable he has become around Klingons.<br>
---<br>
</font>[332] I still have difficulty with attributed speech like this.
Are there natural languages that use the second person on «fed», to say,
"You said he fed me too much."<br>
</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol