tlhIngan-Hol Archive: Fri Aug 24 11:33:41 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh vaghmaH loS: ja' Qugh
<html>
<body>
The party ended abruptly and Mahoun, 'eSSIm, vajar, Hota'ro' and Qugh
remain at Qa'bar's ship.<br><br>
254 ja' Qugh<br><br>
<font size=2>Qa'bar yu'meH, rI' ra'ghomquv. bong Heghpu'mo' tlhIngan Sa'
wanI' nuDnISlu'chu'. ngugh SaHmo' Sa' Qel, rIpDuy je, yuQ ghoSnISbe'
Qel'a' net wuq. po, wo'vaD lom chovmeH Qugh Qel, mejrupchoH. rIghqu'mo'
Qugh, tlhej Mahoun 'e' tlhob. jatlh Mahoun, «Heghbejpu' vI'ol vIneH je!»
Qe' retlhDaq luQollu'.<br><br>
wIlDaq ratlhtaH qImyal lom meQlu'chu'pu'bogh. HotlhchoH Qel. leghbe'meH
Mahoun, chIch DechwI'mey nuD. loQ meQlu'pu' HIq qegh'a' Hur. Do'
jorbe'pu'. yav SoDlu'chu' 'ach larghDI' Mahoun HIq tu'be'. nIjtaHbe'
qegh'a'. bIQmo' neH yIQ yav. qegh'a' luHubmeH Sungpu', bIQ qempu'. naDev
yavDaq qatlhDa' chong lujomlu' 'ach SoD mejmoHchu'taHbe'. nuD Mahoun.
vay' Submo' buy'taH qatlhDa'mey. lelmeH naQ lo' Mahoun. Hap nuD. jav
Dopmey ghajbogh weQ rur. SojHey qawmoH pIw. pay' vIt tlhoj Mahoun.
meQtaHvIS qImyal QemjIqmeyvam botpu' tlhaghDaj. weQ rurqu'. tlhegh neH
Hutlh. weQHey chagh Mahoun.<br><br>
rInDI' Qel Qu' <i>Hov matlh</i> lughoSqa'. HurDaq jul lutIvtaH Hota'ro',
vajar, 'eSSIm je. wo' Qel'a'vaD qImyal Hegh 'olpu'DI' Qugh, jatlh, «qaH,
latlh wanI' vIDelnIS.» Qoyrup Qel'a'. Sagh Qugh. yoH'eghmoHlaw'. rol lIS.
jatlh, «wejmaH vagh ben Saqghom naQ, wa'maH chorgh tlhIngan negh,
vIHoHpu'. Hergh vInobDI' vIjuvHa'law'mo' Hegh. vImuHbe'lu'meH 'ej
qorDu'wIj vInaDHa'moHbe'meH, wanI' vISo'nIS 'e' mupon qImyal Sogh. Hung
yaS Qup ghaH. nachwIj DungDaq mupwI'vetlh 'uchtaH 'a muvuvtaH. jorpa'
<i>lotlhwI'</i> mutoDta'. DujDaj vImejlaHbe'. tuqwIj buQtaH. QIplaw' ghu'
'ach vay' ponDI' qImyal, Har. laH ghaj--ghajpu'. wIvwIj vIpaytaH 'ach
maQuSpu'mo' muSeH. QaghwIj vIqIlmeH reH SIDma' vIQorghchu'. not Hegh Qagh
joq vISo'qa'pu'.» DIvqu' Qugh qab, bIj loStaHvIS.<br><br>
SIbI' jangbe' Qel'a'. loS ghIq jatlh, «vem'eq rop'a' 'ombogh Hergh'e'
wIqeltaH, qar'a'?» <br><br>
Qugh merba' Sov. jatlh, «HIja'.» <br><br>
jatlh Qel'a', «wejmaH vagh ben Hergh qab lIngpu' laSvargh Qagh. 'oHmo'
loSmaH Soch negh QaQ vIHoHpu' jIH. Herghvetlh ghuH DaHevbe'pu''a'?»
De'wI'Daj leQmey 'uychoH Qel'a'. jatlh, «ta vIghaj. ghuH Hevbejpu'
<i>lotlhwI'</i>. naDev HovpoH, Hevbogh yaS pong tu'lu'. HaStaDaq De' cha'
Qel'a'.» <br><br>
qab QeHchu' moj Qugh qab DIv. jatlh Qugh, «qImyal! De'vetlh Hevpu' ghaH,
Saqghom vIHoHpa'qu'. HoqvetlhvaD negh wIvta' ghaH. HoHmeH chIch
mulo'ta'.» <br>
----<br>
SKI: The doctor's report on qImyal includes some history.</font>
<br>
----<br>
In case anyone needed any further confirmation of the late General
Kimyal's psychopathy. <br><br>
Amusing that I started with a 'man against himself ' (vajar and the
Klingon version of considering one's mortality) conflict, escalated it to
'man against nature' (is space nature? we all know that nature abhors a
vacuum) and then ended up with such a scenery-chewing villain. And I
still haven't revealed what the song is about. Soon, very soon. But maybe
not before qep'a'.</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol