tlhIngan-Hol Archive: Fri Apr 13 15:21:06 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh javmaH wej: may' qoch
vajar had just told his crew to relax and keep a low profile until
they reached the Qo'noS dockyards.
---
163: may' qoch
ghem Sopchu'DI' vajar, QongDaqDajDaq ghoSqa' 'ej QongchoH. gharben
cha' bavchoHpu'DI' *veS* vajar vemmoH ghogh. Duj QumwI' patvo'
Saqghom chutmey QIjlI' meH yaS. Hat HoS nuHmey. yoqpu' HIv net tuch.
jolpa'mey lo'nISbogh tIjHa'wI'pu' per. pa'DajDaq Duj QumwI' rarHa'
HoD 'ej Qongqa'. qaStaHvIS jaj naQ qeSDaj lobchu'. po cha'DIch vemDI'
betleH tlhap 'ej mI'meH pa' ghoSmeH DorwI' Suq. qaStaHvIS vaghmaH tup
qeqta'DI' poSchoH lojmIt 'ej 'el betleH qengbogh be'. vajar van 'ej
qaDmeH chol. monHa'mo' qaDwI', qaStaHvIS lup vIDlaw' ghIq be'tlhar
ghov vajar. vIDmoHlaw' wuSDaj. jatlh, "Hung qonwI'Daq qaleghpu'mo'
qamuv 'e' vIwuq. qoch chu'mo' reH Sov chu' net ghojlaH." betleH pep
be'tlhar 'ej HIvchoH.
"cha'Hu' ram vay' Daghoj'a'? " jatlh vajar, be'tlhar 'etlh way'taHvIS.
betleH ngoltaHvIS be'tlhar jatlh, "bIwuD." po'bej be'tlhar 'ej wej
Doy'. vajar moDmoH 'ej tugh 'eb Sam be'tlhar. "jejqu'. qaHotbe',"
jatlh 'ach QIDlaHba'pu'. taH may' ngeb.
bavchuqchoH SuvwI'pu', ghol Daq puj nejtaHvIS. jatlh vajar, "pa'wIj
DanuDtaHvIS jIQong 'e' vIDa. jIchunmo' bIyonchoH'a'?"
"jIyonchoHpu'." jatlh be'tlhar. Duv 'ej jop 'ach not wun'eghmoH.
jatlhtaH, "qImyal Sa' Davoqbe'chugh, HInob. nejtaH qImyal. not mev.
'oHmo' bIcheplaHbe' lIHoHvIpbe'. qorDu'meyraj HoHvIpbe'." be'tlhar
'etlh way' vajar 'ej mu'mey buSHa'. be'tlhar mupmeH 'eb Sam vajar
'ach Hotbe' je. 'etlhmey poS lulo'mo' Qob Quj.[199]
jatlh be'tlhar, "wa' ngoD vISovnIS. vajar HoD, tep Hat DaHIjbe'chugh,
qatlh romuluSngan neHmaHDaq SungIvtaH 'e' DaSap jay'?"
jatlh vajar, "wo' vItoy'meH Qu' lI' vIta'laHbogh jIruch. pItlh.
yajlaHbe' tlhIngan wo' la', mu'IQmoH wo'wIj Dotlh." jatlhtaHvIS
betleH 'uchqu' vajar. tlhIngan quv tIchlI'. nom noD be'tlhar. junmeH
DoHDI' vajar, be'tlhar chuq narghlaHbe', botmo' tlhoy'. vajar Hugh
buQ be'tlhar 'etlh, botlaHpa'. Ho'Du'Daj 'ang be'tlhar, 'ach
'angtaHmo' wuSDaj, QeHDaj chovlaHbe' vajar.
----
SKI: be'tlhar joins vajar for a practice sparring match.
----
[199] With {'etlh poS} I'm looking for a simple way to describe an
edged weapon that was not guarded for practice. I don't expect it to
be understood outside of context, and I mean it to sound a little jargon-y.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol