tlhIngan-Hol Archive: Thu Apr 12 13:13:37 2012
[Date Prev][Date Next][Thread Prev][Thread Next]
[Tlhingan-hol] nuq bop bom: wa'vatlh javmaH cha':
Hota'ro''s engineer girlfriend just gave vajar a set of hearing aids.
162
QoylaH
"HISlaH," jatlh vajar. qaqba'. latlh chu' 'ej nIH teSDaq lan.
choHchu'pu' Dechbogh wabmey.
jatlh qaH'eng, "teSlIj rurmeH, Hung mIlloghmey vIlo'ta'. boQ je Qel.
pupbe'bej 'ach bISaHtaHvIS ghu'lIj Dub 'e' vItul."
jatlh vajar, "qaH'eng Sogh, porghwIj DaHotDI' qaS wanI' Dun 'e'
vISov, qaqIHDI'."
"HoD!" jatlh Hota'ro'.
Hagh vajar. jatlh, "nuq? 'IH ghaH. SoH DuHotDI' DatIv, qar'a'?"
vajarDaq boqrat chej chuH Hota'ro'. noDmeH bagh neQDaq qompogh lan
'ej Hota'ro'Daq jaD. jun Hota'ro' 'ej latlh raS SopwI' qIp. Hagh
Hota'ro' 'ej raHta' jaDchoHDI' latlh raS SopwI', junqa'. vajar qab
qIpchu' raHta'. qaSpu'DI' vagh tup Soj jaDtaH pa' naQ. SoQchoHpu'
tebwI' yaH 'ej HaghtaH 'ej HIvchuq Soj baHwI'pu'.
lutIchchuqtaHvIS QoylaH 'ej yajlaH vajar. vabDot morSIqnganpu'
yajlaH,[183] 'ej chuSchoHDI' qaH'eng QumwI' Qoy je vajar. jatlh
rI'wI', "DaH DIngtaHvIS chuS. SIbI' yIghoS!"
jatlh qaH'eng, "yaS wa'DIch." mej.[184] DaSmeyDajmo' choQDaq wabmey
jej Qoy vajar.
"DIngchu'be' quSDaj," jatlh Hota'ro'. nujDajDaq Qaj tlhuQ ghoDtaHvIS.
mu'meyDaj yajlaH je vajar.
jatlh vajar, "Dun QoymoHwI'meyvam. Qu' law' ta'nISba'taH qaH'eng.
qatlh jIHvaD chenmoHta'?"
jatlh Hota'ro', "chotoDta'mo' 'ej chovuvtaHmo' 'ej toDujwIj vISammeH
bIloSlI'mo'." yev Hota'ro'. motlh tlho'chuqbe'mo' tlhInganpu',
vI'law'taH tlho'nISghachchaj; chaq SomDaq vI'taHbogh tatmey rur. Som
wewmoH 'ej tlhInganpu' vuvqu'chuqmoH. jatlhqa' Hota'ro', "...'ej
majachnIStaHmo' mapuQ, HoD."
jatlh ghutar, "SuvwI''a' SoH, HoD. SoH 'emDaq jagh tu'lu' Datu',
vabDot DaQoybe'chugh, 'ach jejtaH Hoch nuHmeylIj wIneH."
jatlh vajar, "Qo'noS maHDI' ropyaH vIghoS. pa' teSDu'wIj tI'laH Qelpu'."
"DaH chay' jura', HoD?" jatlh ghutar.
jatlh vajar, "DaH SoH qara'be' ghutar. Qo'noS vergh Datoy'.
malIghtaHvIS maleStaH. may'Dujvam jo yItIv. peQong, peSop, petlhutlh,
pengagh. qImyal Sa' yInuQQo'. mayuDHa' tagha' 'e' Sovmo' nunuQbe'jaj."
---
SKI: vajar overcomes his initial suspicion of the hearing aids and
tells his crew to relax and enjoy the journey.
---
[183] Marc gives Klingon spellings of most of the regions in KGT but
not Morska, or did I miss it?
[184] Dedicated to everyone who has had to carry the pager when their
out-of-town girlfriend is visiting, and who has been called out for
stupid stuff.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol