tlhIngan-Hol Archive: Thu Apr 05 18:12:03 2012
[Date Prev][Date Next][Thread Prev][Thread Next]
[Tlhingan-hol] jIlaD 'ej jIghoj.
- From: "lojmIt tI'wI' nuv" <[email protected]>
- Subject: [Tlhingan-hol] jIlaD 'ej jIghoj.
- Date: Thu, 5 Apr 2012 21:11:50 -0400
- Dkim-signature: v=1; a=rsa-sha256; c=relaxed/relaxed; d=gmail.com; s=20120113; h=from:content-type:content-transfer-encoding:subject:date:message-id :to:mime-version:x-mailer; bh=kDW3hzl43UYHZtRD1JEgjdZLAZHjGiTG7b8NQMJS8fU=; b=Bbjm2BB9/quDr9qqNW1daDRHLGqiDIyDxR400dbGHeUuxkJ8spx9yKTrcrn4RhHTXT 1egZZgpa27C3H9RcIfyiDgdjST5Sl+xtkkR/7IIsS/hk6sQpZmNDf1SXFOEMjv/gY5Ob MOzbRGPDoptlFDoBrjNbEWx53TZwPYxXzLP5ZtDXWRsXnYrU2tQwC6avzrd6KtItQS5/ hQAMG7Fd0tGJGJfmaSS0y0fzL7ZNcoXBmcYBoCIXdxlX1haV74AkObU9F24j3ZRlEcTP sl/bw6dd6q2t/k2UxXRsG8U43ZFeGiK8ttA/VupNvhowfMXbxglXxelN05scF0H2lB/7 6BLg==
- List-archive: <http://stodi.digitalkingdom.org/pipermail/tlhingan-hol/>
- List-id: <tlhingan-hol.stodi.digitalkingdom.org>
- List-subscribe: <http://stodi.digitalkingdom.org/mailman/listinfo/tlhingan-hol>, <mailto:[email protected]?subject=subscribe>
paq Daj vIlaDta'. "Columbine" qel. vangchu'ta' qonwI'.
HoHwI'pu' QonoS laDta'. yabchaj DIyajHa'pu'bogh yaj 'ej QIj.
qaStaHvIS cha' DIS DuSaQ luHIvpa' HeSwI'pu' chaH. latlh nuvpu' Dochmey QIH qoj nIH.
qoHpu' chaH Hoch 'e' luHar. QIv Hoch 'e' luHar. Hoch latlhpu' HupnIS 'e' Har. jaghchaj chaH Hoch'e' 'e' Har.
reH QeHtaH. reH 'IQtaH. ghotpu' law' HoHnIS ghIq HoH'egh 'e' luwuq. ropba' yabchaj.
qaStaHvIS wa' DIS DuSaQ luHIvmeH nab. nuHmey jorwI'mey je Suq qoj chenmoH.
wej jorwI''a' chenmoH. DuSaQDaq Hop jorwI''a' wa'DIch. DuSaQvo' ngup DachmoHmeH jor 'e' Hech. luj. loQ qulHom tagh jorwI''a'qoqvam. ngup ghuHmoH neH.
DuSaQDaq cha' jorwI''a' lan. laDmeH pa' rav Qutlh Qaw'meH jorwI''a'meyvam lan. jorwI''a'mey tlhaqmey tagh, ghIq HurDaq ghoS 'ej loS. nuHmey ghuSmoH.
SopmeH pa'Daq laDmeH rav pumDI' 'ej Haw'DI' taHwI'pu', Hurvo' HoH 'e' lunab. 'ach vonlu' jorwI''a'mey. tamtaH.
jorchugh, ghaytan vaghvatlh nuvpu' HoH janmeyvam. Do'qu' vaghvatlhvam.
QeHchoHchu' tlha'bogh HoHwI'. jotmoH ra'wI'. nab cha'DIch HutlhtaHvIS, DuSaQ HIv.
HurDaq qaStaHvIS vagh tup, cha' ghojwI'pu' HoH. latlhpu' QID, ghIq DuSaQ 'el.
qaStaHvIS vagh tup wa' ghojmoHwI' luQID. qaStaHvIS wej rep reghmo' Hegh ghojmoHwI'vam.
laDmeH pa' lu'el. qaStaHvIS Soch tup wa'maH ghojwI'pu' HoH. batlhHa' nuH Hutlhbogh be'Hom'e' HoHtaHvIS ra'wI' pe'vIl pup beHDaj. ghIchDaj ghor beH. pe'vIl regh ghIchDaj.
DuSaQDaq qaStaHvIS bID rep leng HoHwI'pu'. ngoQ Hutlhlaw'. jorwI''a'qoqmeyDaq baH beHmey, 'ach jorQo'.
laDmeH pa'Daq chegh. raSDaq nIn bal lan. meQchoHmoH, ghIq beH lo'taHvIS HoH'eghmeH yabDu'chaj Qaw'. meQchu' lomchaj 'e' Hechba', 'ach luj nabvam. vumchu' qul mevmeH pat. Hoch yIQmoH.
chaq maw'wI'pu' DIbotlaHbe'. Do' puS maw'wI'pu'. qub wanI'meyvam. maQanrupmeH maghojnIS. Qu'vamvaD QaQ paqvam.
lojmIt tI'wI' nuv
[email protected]
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol