tlhIngan-Hol Archive: Fri Oct 21 08:17:56 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' javmaH: <vuS'eghghghach>
I feel really silly putting content warnings on Klingon sex scenes,
but for anyone who hadn't figured out where yesterday's installment
was going, it's going there. This episode describes nudity of a
sexual nature. But it's just words so you can't actually see any bits
you weren't already familiar with. And they're not even human.
Mahoun got permission to buy grain. He's not currently buying grain.
He delegated that yesterday. But there are some things you don't delegate.
60
jop 'eSSIm. tonSaw' mIw lo'choH. SuvwI' ghaHbe' Mahoun'e'.
Hub''eghmeH mIw nap Sov neH. 'a pujmo' 'eSSIm QIt vang 'ej vangDI'
HoSHa'mo' Qagh. junDI' Mahoun gho'Ha' 'eSSIm ghIq ravDaq Dej cha'
nuv. muplaHpa' 'eSSIm, Qamqa' Mahoun. Qamqa'taHvIS be' bej. Soy'bogh
SuvwI' Doy'qu' rur. 'uSDu' chongmoHmeH ravDaq yuvnIS DeSDu'.
QamtaHvIS ngaDHa'. wa' volchaH neH 'uch yIvbeHDaj. latlh DopDaq HuS.
tlhuHqu'taHvIS vIHtaH chabDu' 'e' bej Mahoun. bomqa' "jatlh cha'par
yIvbeHlIj yIteq." yIvbeHDaj'e' teq Mahoun. naDev tujchoHpu'. bom
"DIrlIj 'IHDaq jul tIH tItIv." mISlaw' 'eSSIm. lojmIt ghoSmeH He
lujuvlaw' mInDu'Daj. be' rIQmoH neHbe' Mahoun. Qan neH. Qorgh neH.
pay' tlhIngan tay yajchoH. Suvqu'chuqbe' ngaghwI'pu'. loD qaD be'.
tob. be' tlhuchpu'DI' pagh pIlmoHta' loD, HoSDaj 'angta', 'ej
ngaghrupchoH be'. jatlh Mahoun "qaHoHbe'. jIvuS'eghlaH." nongmo', loD
tInqu' ghogh rur ghoghDaj. tlhIngan loD ghogh rur. Ho'Du'Daj 'angqa'.
tlhIngan bom mu' qaw 'ej jatlhchoH.
mu' rurbe'bogh wabmey'e' lIng 'eSSIm Hugh, yIttaHvIS. quS 'ugh
retlhDaq mev. quS pepmeH joD 'ej ravvo' luHqu'. qaSlaHpu''a' wa' rep?
Qub Mahoun. Qapbej'a' lISwI'vetlh? quS chuH 'ach loS 'uj chuq neH
chav. quS yoyHa'moH Mahoun 'ej 'eSSIm ghaH je jojDaq lan, choltaHvIS
'eSSIm. quS SIchDI' ghaH retlhDaq QamchoH 'ej volchaHDaj DungDaq ghop
vIHmoH. tlhoS be' Hotbe'. pob Hot 'a DIr Hotbe'. be'vaD tlhup. jatlh
"quSDaq yItorchoH." lob be'. tuQHa'moH. Sa'HutDaj DIr qIjqu'vo' Sut
DIr chIS SurghtaHvIS 'ombe'. 'eSSIm jIbDaq qabDaj lan Mahoun 'ej
larghmeH pur, roDajDaq yachtaHvIS ghopDu'Daj. SeymoH tlhIngan nong
pIw. tuQHa''egh Mahoun be'vaD tlhuptaHvIS 'ej yachtaHvIS. QuchDaj vIl
nuD nItlhDu'Daj. HujtaH 'a chaq moHchu'be'. vIl je latlh porgh 'ay'.
vIl 'ej yIQqu', loD Hevrupmo'.
----
SKI: Mahoun manhandles Essim to just where she wants him. Also: singing.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol