tlhIngan-Hol Archive: Thu Oct 20 08:43:48 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' vaghmaH Hut: <bom cha'par>
I used to forget I was subscribed to this list. I hope no one is
unsubscribing on account of being bombarded with nuq bop bom 'ay'mey.
At the end of the last 'ay' Mahoun had just used an energy weapon to
temporarily reduce 'eSSIm's strength, without her knowing.
59
HIchmo' qaSlaw' pagh. jIH SenmeH Mahoun ghop Dev 'eSSIm. jIH legh
Mahoun. "yIloS." jatlh. "pIqaD vIlaDlaHbe'. vISenqangbe'." [21]
ghopDaj 'uchHa' 'eSSIm 'ej De'wI'Hom chu'Ha'. QeH'a'? ghaH retlhDaq
Qammo' qab leghlaHbe'. nom HIch qatqa'chu'. raSvo' nav Sar nuD
'eSSIm. wa' wIv. tlhe' 'ej MahounvaD nob. QeHbe'law'. "DujlIjDaq
bIcheghchugh chaw' 'oH yIja'." mISba'mo' Mahoun Hagh 'eSSIm. jatlh
"chutmey boHeQmeH nav'e' poQ tlhIngan wo' 'e' DaHarbej'a'? tI QIv
HoHmeH taSvaD lo'meH mIw Del. Sung tIr Daje' 'e' vISaHbe'. tIr chu'
ngev jIvwI' 'e' wISeHnIS neH. wej potlh 'ach Sachpa' jInmol chut DIcher."
chaw'qoq tlhap Mahoun. "SuQ'a'?"
mISlaw' 'eSSIm. jatlh, "SuQ taS Delbogh. SuQbe'chugh HoHbe'. 'a SuQbe' nav'e'."
jatlh HoD "'a qatlh chonob?"
jatlh 'eSSIm "bIDaj. bIyoH. bIQIp. naDev Dal yInwIj. qangaghqa'meH qatoj."
chotojnISbe' jatlhbe' Mahoun. 'ach qay' wa' mu'. "bIcheghchugh
bIjatlh?" jatlh. toy'wI''a' mojmoH neH'a' tlhIngan?
yIvbeH poSmoHwI' ghIrmoHchu' 'eSSIm. tlhoS chabDu' ngaSbe'choH. pup
chorDaj SomrawDu' tlhargh je. 'eyqu'. bolbe'meH wuSDaj SoqmoH Mahoun.
jatlh 'eSSIm, "qaHoHbe' ... jIvuS'eghlaHchughghgh."
nom wIvmey chov Mahoun. lajlaH. lajHa'laH. Haw'laH. Haw' neH tIqDaj.
lajHa'chugh tlhIngan nong mevlaH'a' wa' mu'tlhegh nap? lajchugh puj
HIchqoq voqlaH'a'? wIv. wIvbe' tIqDaj. Qamqu'. Ho'Du'Daj 'ang.
vaQqu'choH porgh pe'vIl jangtaHvIS. 'eSSIm laj. wep nav je chagh 'ej
pa' HeHDaq vo'meH pup. wup. bommeH ghogh 'IH ghaj Mahoun 'ej bom 'e'
tIv. tlhIngan lurDech rurchu'be' 'ach be' nongmoH ghoghDaj 'e' Sov.
cha'par bop bom. ghe'naQDaq be'vaD cha'par bom mugh loD. mughbe'ba'.
be'vaD jatlh neH 'a jatlhlaw'mo' bo'Degh'e' jaqlaH loD. MahounvaD lI'
Dupvetlh. SIbI' HIvchoH 'eSSIm. DaHjaj pagh chuH. chol 'ej Mahoun
volchaHDu' 'uchchoH. pa' reDDaq Mahoun yuvmeH QeyHa'choH SomrawDu'Daj
'ach qaSpa', 'eSSIm yebDu' 'uchchoH Mahoun 'ej tlhe'qu'. 'uchHa'
'eSSIm ghopDu'. 'eSSIm DeSDu' pepmeH pe'vIl yebDu'Daj luH. 'omqu'ba'
'eSSIm 'a ngeplaHbe'. poSqu'choH mInDu'Daj pa' reDDaq yebDu'Daj
yuvtaHvIS Mahoun. HoS naQ ra'law'mo' be' tlhuHqu' 'ach SeHlaH Mahoun.
latlh bom tlhegh bom. "jatlh cha'par loDvetlh yIvoq." yel Hol mu'mey mughbe'.
noghqu' 'eSSIm 'ej loQ leSpu'mo' Mahoun, nargh. DoH 'a HIvrupqa'law'.
---
SKI: Klingon foreplay with a yelwIyyIt touch.
----
[21] It may seem obvious now, but when I was writing I got really
stuck here for a bit, not quite sure how to get where I was going. I
went out for a run and rethought the whole story from 'eSSIm's
perspective, following her motivations. It all fit quite well, and
then I knew how to get where we were going. You don't care about
that, but I just wanted to assure you that I have all my characters'
motivations in mind, and that I'm getting out of the house now and again.
Also, <jIH yISen> is my universe's equivalent of signing on the
dotted line. It will show up again.
If you have an inclination to catch up on missed episodes, it's
better to do it at http://nuqbopbom.blogspot.com and not via the
mailing list. There are fewer typos there. I'm re-reading from the
beginning and the typos are discouraging. But maybe I'm getting better. :-)
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol