tlhIngan-Hol Archive: Thu Oct 13 07:27:30 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' vaghmaH cha': <QoblaH tlhIngan>
<html>
<body>
Mahoun has shrugged off his advisor's warnings about the danger posed by
Klingons.<br><br>
<div align="center">52<br><br>
QoblaH tlhIngan <br><br>
</div>
monHa' QeDpIn, QubtaHvIS. jatlh ?vIjatlhchugh, yab Qel DaDa bIjatlh 'ej
bIqImQo'.?<br><br>
?yab Qel yIDaQo' jIjatlhDI' lob pagh? jatlh HoD. <br><br>
jatlh QeDpIn. ?'qalob jIH.?<br><br>
?yIjatlh.? jatlh HoD. ?chaq jIjangbe'.?<br><br>
jatlh QeDpIn. ?cha'Hu' tlhIngan DaqIHvIp. 'a vajar HoD DajatlhtaHvIS
bIjaq 'ej 'eSSIm DaqIHtaHvIS DaSuv 'ej Dangagh. bIlImbe'meH
bIjaq'eghmoHlaw'. chaq tlhInganvaD <Qo'> bIjatlhvIpmo' bIvang.
DaHjaj qaS nuq bIjaq'eghmoHDI'? <Qo'> bIjatlhvIpqa''a'??<br><br>
jatlh HoD ?qayaj 'a bImuj. Sotmo' vajar HoD 'ej SanDaj vISeHlaHmo'
mughIjbe'. mughIjbej 'eSSIm 'a wIHbe'. mughIjchoHchugh tlhIngan, QIv chaH
'e' vIqaw. vIghatlhlaHmo' 'ej muHoHbe'mo' jIHaj 'e' vIcharghta'.? yev
Mahoun. ?Qatlhqu'. yabwIj vIDellaHbe'. nuv vIvuvbe'bogh vIngaghta'mo'
jItuH 'e' vIpIH, 'ach jIHem. DaH yab Qel SID vIDachoH.? QeDpIn bejqu' 'ej
jatlh ?De'vam yIpegh.?<br><br>
?jIjatlhpa' jatlh Hovmey.? jatlh QeDpIn. ?chovoqmo' jIbel. 'a DaHjaj tIr
Daje'meH Duy Dangagh'a'?? jatlh QeDpIn<br><br>
Hagh HoD ?ponmeH laHvetlh'e' vIghaj 'e' vIHon.? jatlh. ?DaHjaj jISutlh
neH. chaq De' vISuq.?<br><br>
?yIlay'? jatlh QeDpIn.<br><br>
pa' lojmIt poSmoH 'e' nID vay'. ngaQtaH. chobvo' jatlh ghogh ?Mahoun
HoD?? Hung yaS ghaH.<br><br>
?vIlay'? jatlh Mahoun 'ej lojmIt ngaQHa'moHmeH QamchoH. 'eltaHvIS Hung
yaS, QamchoH QeDpIn.<br><br>
jatlh Hung yaS ?vengDaq boghomchuq tlhIngan Duy, SoH je, qar'a'
HoD??<br><br>
?bIlugh. wa'maH wejvatlh rep qaS.?<br><br>
?tlhIngan Duy DaqIHDI' DurIQmoH, qar'a'?? QeDpIn qunmeH tlhe' Mahoun 'a
mejta'.<br><br>
?bong qaS,? jatlh Mahoun. ?ram.?<br><br>
?SughomtaHvIS qaQan vIneH? jatlh Hung yaS.<br><br>
?Qo'!? jatlh Mahoun. ?bISaHchugh jImobvIplaw' 'ej tlhInganvaD
jIpujlaw'.?<br><br>
?jISaHnISbe'. SoHvaD ngaQtaH jol vIneH. qay'chugh vay' QumwI'lIj leQ
cha'DIch yI'uy 'ej SIbI' pIjol.? Qochbe' Mahoun.<br>
----<br>
SKI: Mahoun's officers tag team him on the Klingon safety issue until he
agrees to a precaution.</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol