tlhIngan-Hol Archive: Wed Oct 12 08:05:05 2011
[Date Prev][Date Next][Thread Prev][Thread Next]
[Tlhingan-hol] nuq bob bom: 'ay' vaghmaH wa': <qachuHnIS'a'?>
<html>
<body>
Mahoun has just asked a crewman on the bridge to set up an appointment
with the Klingon emissary.<br><br>
<div align="center">51<br><br>
qachuHnIS'a'?<br><br>
</div>
HoD rI' meH. jatlh beq, ?jang tlhIngan Duy. DaHjaj yelwIyyIt rep wa'maH
wej, veng Qe'Daq ghom ghaH, Suyma' je 'e' chaw'. Quv Qumta'. DuyvaD Suy
pong vISovnISmoH.?<br><br>
jang Mahoun. jatlh. ?maj. vIjaH jIH.? QeDpInvaD jatlh ?Datu''a'? yel Hol
jatlhlaHchu' beqvetlh. DaghIj neH.? QeDpIn qab leghDI' Hagh HoD.
?nuq??<br><br>
jatlh QeDpIn. ?yaS wa'DIchlI'vaD bIjatlhqang'a'??<br><br>
Mahoun qIHpa' rollIw, QI' QulmeH Duj toy'. tej po' ghaH. Dujmey law'
chIjpu'. HoD luqeSchugh Suypu' neH, vuDmey potlh Hutlh 'e' Sov Mahoun,
'ej 'ebmey chu' ngu'laHbej tej. toy'meH rollIw DIlchoH Mahoun 'ej yaS
wa'DIch perta'. yaS wa'DIch poQqu'be' Mahoun 'ach potlh QeDpIn 'e' 'oS
patlhDaj. wej DotlhDaj lajchu'ta' rollIw, 'ach bajbejta'. jatlhDI'
QeDpIn, 'Ij Mahoun. pIj vangbe', 'a 'Ij.<br><br>
qep pa' ngaQmoH HoD 'ej ba'choH. motlh patlhDaj lo'be' rollIw. lo'ta'mo'
qImqu'. <br><br>
jatlh QeDpIn ?reH bIQubpa' bIvang.?<br><br>
jatlh HoD ?net Sov. wuqbe' yabwIj. wuq tIqwIj. motlh qar tIqwIj.? Duj
muchmeH ghop joqmoH Mahoun. ?malja'vaD qarmo' tIqwIj, Dujvam vIghaj.
malja' wo'Hom vISeH. reH Sov tIqwIj. QoblaH mIwvam 'e' vISovmo', yaS
wa'DIch val vIDIl. 'a yab Qel vIneHbe'. chotI' 'e' yInIDQo'. tIqwIj
vIvoq.?<br><br>
jatlh QeDpIn ?tlhIngan be' Dangaghlaw'meH DuqeS'a' tIqlIj??<br><br>
Hagh Mahoun. jatlh ?vIngaghbejta' 'ach ghobe': wa'Hu' muqeS latlh porgh
'ay'. jIHvaD qub wanI'vetlh. qaStaHvIS poH nI' be' vIngaghbe'pu'. SoHvaD
poH vIngu'chugh bIyay'. motlh DeSDu'wIjmo' muHaj pagh muvup be'pu'. 'ach
'eSSIm luSeymoH. SaHmo' 'eb vIjon. 'ej vItIv.?<br><br>
jatlh QeDpIn ?ngaghtaHvIS tlhIngan, ralqu' net jatlh. loQ bIrIQ 'ach
HoSghajba' be'vetlh. DuHoHlaHbej. chay' Da- Da- ...?<br><br>
mon Mahoun. jatlh ?chay' vIghatlh? choSeymoH 'e' DanID'a'? wanI'
vIDelchu' DaneH'a'??<br><br>
SuDqu'choH QeDpIn.[9] jatlh ?Qob ghu' jIjatlh neH. 'utchugh,
nIngaghqangbogh be' Qobbe' ...?<br><br>
tlhoS voQ Mahoun HaghtaHvIS. jatlh ?mevyap. qeSlIj 'oH'a'? QoblaH
tlhIngan? bIghHa'Daq qaStaHvIS wa' jar muDech tlhInganpu'. Qob 'e'
vISov.? <br>
----<br>
SKI: Mahoun fends off his FO's warnings about the danger posed by
Klingons.<br>
----<br>
<font face="Times New Roman, Times">[9] Hey, they have blue blood, ergo
they blush blue. <br>
</font></body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol