tlhIngan-Hol Archive: Tue Oct 11 08:00:47 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' vaghmaH: <tIr wIneH>
<html>
<body>
So far in the Farsajii morning meeting we've learned that the Klingons
control local grain sales, but Mahoun is confident he can negotiate his
way around that.<br><br>
<div align="center">50<br><br>
tIr wIneH<br><br>
</div>
qepvaD Qu' Dotlh ja' QeDpIn. SopmeH SuQbe' Ha'DIbaH, naH pojta'bogh je.
tayvaD Dargh lutlhutlh Sung 'ach tlhutlhchugh yelwIyyItngan ghaytan
Dochmey SaHbe'bogh leghchoH. nuv QIHbe'bej ghu'vetlh, 'ach tlhutlhbe' 'e'
chup. HerghvaD ghaytan lI'qu' Sung tI Sar. DaH chovnatlhmey boSlI' beq.
lutlhqu' Sum cham, 'a nov cham Sar lo'law'. cham nap je'qangmo' naDev
cheplaH Suy.<br><br>
ja'pu'DI' Hoch pInpu' qep van Mahoun. DIlbe'chugh vajar HoD ghaytan
lengvammo' chep, 'ej DIl vajar 'e' pIHmo' ghaytan cha'logh chep. buy'
ngop. 'ach DaHjaj Mahoun SeymoHbe' Huch bajlaHbogh. tIr luje'meH Suypu',
tlhInganvaD jatlhnIS HoD. 'ej yuQvamDaq wa' tlhIngan neH tu'lu' ja'pu'
'eSSIm.<br><br>
mejpu'pa' Hoch, QeDpIn loSmoH Mahoun. jatlh ?bImejpa' HIqeS. tIrvamvaD
vay' le' lupeghlaH'a' tlhInganpu'? DuH'a'??<br><br>
?vIHon. maHvaD Dajbej tIrvam. rotlh 'a choH'eghrupqu'. yuQmey SarvaD lI'.
Huch qotlh. 'ach SIbI' tu'laH SuchwI' 'Itlh. yuQDaq Dat tIr. wIpoj 'e'
luSeHlaHbe'.? jatlh QeDpIn.<br><br>
?vaj Hoch lupol luneH'a'? chaq wej pegh wItu'ta'. yej vIponlaH
Sutlhqangbe'chugh tlhIngan.? jatlh HoD.<br><br>
?tlhInganvaD le'qu'be' tIrvam. SachmeH wo'chaj yuQmey chargh. yuQ
toqbe'Daq mIDmey cherbe' 'ej motlh tIrDaj'e' ghajmo' yuQ toq. ghaytan
bIlugh. Sungpu' ngor luneH neH. mangghomchaj luje'meH tIr law'
luje'nISqoj lunIHnIS. naDev weHchugh, DIvI' mab luwem, vaj tIr
luje'nIS[1]. qutlh 'e' lumaS.?<br><br>
?'e' vIpIH, 'ach SaHmo' tej vay' le' vIpIH je.? jatlh HoD.<br><br>
meH rI' Mahoun. QummeH yaHDaq vum beq. ghaHvaD jatlh Mahoun ?Inaq,
tlhIngan Duy yIrI'. yIja' tIr wIje'meH ghom neH yelwIyyItngan Suy.
SuchmeH poH yISutlh.?<br><br>
?lu' HoD? jatlh beq. QumwI' SoQmoH HoD 'ej QeDpInvaD mon. ?maHvaD tIr
vIje'.? <br>
---<br>
SKI: The science officer confirms the desirability of the local grain,
and Mahoun starts the negotiation process.<br>
---<br>
[1] Well after this 'ay''a' was complete I had a moment of realization,
"Wait, what? Klingons need grain to feed their armies?" But I
cite <i>Pawns and Symbols</i> and <i>The Trouble with Tribbles</i>, for
military importance of grain to Klingons.</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol