tlhIngan-Hol Archive: Mon Oct 03 20:46:12 2011

Back to archive top level

To this year's listing

[Date Prev][Date Next][Thread Prev][Thread Next]

[Tlhingan-hol] Hoghvam qaSpu' (2011-10-01)

Brent Kesler ([email protected])

From: Brent Kesler <[email protected]>
Subject: [Tlhingan-hol] Hoghvam qaSpu' (2011-10-01)
Date: Mon, 3 Oct 2011 20:46:03 -0700
Dkim-signature: v=1; a=rsa-sha256; c=relaxed/relaxed; d=gmail.com; s=gamma; h=mime-version:date:message-id:subject:from:to:content-type; bh=IiDkoycd0yKj0Wu+ozDIo5WRVMegJJaByizRnyyLdMk=; b=sgh+zueOKpZFM954v69K/8/G3a6H3TagnHPGr1fbKftZVui5RpcVlDrfFyp98esHP0 ZshEjN5FxVQDNMPWJEO0WVIehjW8U9BYnKXVylsgLLEM8npO8DFu53QMEvnuEbv/mLZs sSbrWueCmLKdUw9IwFX4gWBloueKvcGlcf1m0=
List-archive: <http://stodi.digitalkingdom.org/pipermail/tlhingan-hol/>
List-id: <tlhingan-hol.stodi.digitalkingdom.org>
List-subscribe: <http://stodi.digitalkingdom.org/mailman/listinfo/tlhingan-hol>, <mailto:[email protected]?subject=subscribe>

qarmeH, wa' Hogh ret qaSpu'. jIpaS.

bI'reng


== toghmeH jaj wIvta' 'IyjIpt ==
chennISmo' yej'a', Hoch tlhachvaD naDmey toghmeH, jaj wIvta' 'IyjIpt
QI' qum. jar wa'maH wa', jaj cha'maH chorgh, naDmey togh 'e' tagh qum.
mIwvam muv 'e' Hechchugh tlhach, qaSDI' jar wa'maH, jaj wa'maH cha',
qumvaD ja'laH. qummey chenmoHmeH, pIj naDmey togh tera'nganpu'. tlhach
naDDI' wa' rewbe', wa'logh pe''egh tlhach. yej'a'Daq HuSmey wavmeH,
pe''eghghachmey togh tlhachmey. pe''eghghachmey law', HuSmey law';
pe'eghghachmey puS, HuSmey puS. lumuvbe' 'e' lubuQpu' tlhachmey puS.
HuSmey Suq mubaraq tlhach pabwI'pu' 'e' lubotmeH, mIw choHmey lupoQpu'
latlh tlhachmey. Hoch choHmey lajbe' QI', 'ach choHmey puS lajpu', vaj
buQ 'e' lumev tlhachmey. chorghwen morghtaHmo' ghom'a'mey, mubaraq
DevwI'quv SughHa'pu' QI'. yej'a' HuSmey wavmeH, reH naDmey togh 'e'
luneH 'IyjIptnganpu' law'.

== 'al 'awlaqIy HoHlu'ta' ==
yemenDaq 'ISlam pIn 'anwar 'al 'awlaqIy HoHta' 'amerIqa Sepmey tay'.
lengtaHvIS 'al 'awlaqIy, HIvmeH qoq puvwI' ngeHpu' 'amerIqa botlh
ghoqwI' tum. 'al qayDa QonoS gherwI', SamIr Han HoHta' je. ralnIStaH
'ISlam 'ej 'amerIqa HIvnIS 'e' ghojtaH 'al 'awlaqIy. luHIv nuvpu' puS
'e' pIlmoHta' SoQmeyDaj. DIS cha'SaD Hut teQaS QI' waw'Daq wa'maH wej
negh HoHta' nIDal 'aSan, 'ISlam pabbogh yaS. DIS cha'SaD wa'maH
Detroyt ghoSbogh challupwI' jor 'e' nID 'umar varuq 'abDul mutallab,
nayjIrya' ghojwI'. DIS rap nuyorq veng botlhDaq lupwI' jor 'e' nID
vaySal SaSaD, paqIstanDaq boghpu'bogh 'amerIqa rewbe'. qaStaHvIS wa'
DIS, vIrjInya'Daq 'ISlam chIrgh Devpu' 'al 'awlaqIy. qaStaHvIS
poHvetlh, Sepmey tay' muSchoHpu', 'ach chIrghDaq Qoch latlh pabwI'pu',
vaj DIS cha'SaD cha' yemen DabmeH mejta'.

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol

Prev by Date: Re: [Tlhingan-hol] maj po
Next by Date: [Tlhingan-hol] 2 letter language code for Klingon?
Previous by thread: Re: [Tlhingan-hol] chIjwI' tIQ bom: 'ay' Qav
Next by thread: Re: [Tlhingan-hol] Hoghvam qaSpu' (2011-10-01)
Index(es):