tlhIngan-Hol Archive: Sun Oct 02 09:29:34 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' loSmaH wa'
Recap: The captain grabbed a medical tricorder and heads for sector
three, where ghutar is apparently still alive.
41
lojmIt wej chollI'DI' SoQtaH. leQ 'uy HoD 'ach poSchoHbe'. meHvaD
jatlh "lojmIt cha' DapoSmoHmeH yIngep!" poSchoHDI' lojmIt, HoD Dub
yuv muD. tlhoS pummoH. wej muD Qaylu'chu'pu'mo' tlhoy'meyDaq 'uyDI'
muD, mIch cha' muD law' law' mIch wej muD law' puS. qay'qu'be'.
Qapchu'taH muD ngeb SeHwI' pat 'ej naDev tlhuHmeH yap muD. HuD muD
rur neH, 'ej nom ghur. mIch wej choQDaq cha' logh Sut tuQtaHbogh loD
lutu'lu'. QottaH ghutar 'ej ghaH retlhDaq tortaH 'ungya 'e' legh HoD.
ghutar mIv teqmeH poghmey Soy' ruQ 'e' nID yaS wa'DIch.
wa' ghop lo'taHvIS, ghutar mIv ngaQHa'moH HoD 'ej SIbI' teq yaS
wa'DIch. ghutar qab lulegh. chIS. 'oHDaq ngoHlu'pu' quy'Ip. He'So'.
SoQtaH mInDu' 'ej poStaH nuj. yIntaH. tlhuHtaH. "ghutar,
bIjatlhlaH'a'?" ghel HoD. tlhuHtaH neH ghutar. HotlhmeH Qel Hoqra'
lo'choH HoD. Hoqra' leghmeH joDDI' yaS wa'DIch, HoD nach qIp mIvDaj.
yaS wa'DIch mIv ngaQHa'moHmeH 'ej teqmeH boQ HoD.
"He'So' nuq?" jatlh yaS wa'DIch, mIv roQtaHvIS.
"mIvDaq 'empu' ghutar ghIq HaHtaH." vIHbe'taH ghutar. bItchoH HoD.
"ghutar!" jatlhqa' HoD "choQoylaH'a'? bIvIHlaH'a'?" jangbe' ghutar.
Hoqra' nechqu'moH HoD. wej QapchoHpu'.[22]
tuQHa''eghtaHvIS yaS wa'DIch jatlh. "muD polbeHbe' Som vItI'pu'bogh
'ach Som HoSmoH 'e' vIHar. chaq chuyDaH wIlo'qa'laH." logh Sut DaS
teqmeH 'ungya HoD volchaHDaq ghop lan.
QumwI'vo' Hota'ro' ghogh luQoy "Duj nIH chollI' ghopDapHey, HoD.
vIjunmeH chuyDaH vIlo' 'e' Dachaw''a'?" Qapbe'taHmo' begh junnIS.
bejchuq HoD yaS wa'DIch je. jatlh HoD, "DatI'ta' SoH. yIwuq.
bIvangchu'meH qavoq. meH yIghoS." lob yaS wa'DIch. chob'a'Daq logh
Sut luchDaj je.
----
SKI: ghutar is alive but unresponsive and Hota'ro' has detected another threat.
----
[22] Extended boot sequence. The tricorder runs Microsoft Vista.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol