tlhIngan-Hol Archive: Mon Nov 21 07:57:12 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' HutmaH: <Qoybe'>
<html>
<body>
Silence has fallen after the first officer's Heghbat ceremony.<br><br>
89<br>
jatlhbe'taH Hoch. HIq Suq HoD. nov HIq Huj 'oH. lujonta'mo' Segh
luSovbe'. HIvje'mey teb 'ej latlhpu'vaD nob. tlhutlh 'ej jatlhbe'taH 'ej
bejchuqbe'taH. choQDaq QottaH 'ungya lom. pagh legh mInDu'Daj poS 'ej
chuq'a''e' leghlaHbe'bogh nochchaj lubejlaw' yIntaHbogh tlhIngan mInDu'.
Duj QonoSDaq wanI' qon HoD 'ej beq tamey lIS. jatlhpu' HoD 'utlh
<qaSchugh, QonoSDaq yIqon. Dupumchugh vay' DuQan QonoSlIj>.
chImchoHDI' ngaSwI' latlhmey Suq HoD. HoSghaj HIq. tlhutlhtaH. jeghrupDI'
jav chejDu' jatlh HoD. ?may' law'.?<br><br>
lubejchoHDI' latlhpu' jatlhqa' vajar, ?jIyIntaHmeH pIj vang.?<br><br>
qech quvmoHmeH yev, ghIq jatlh ghutar, ?mutoD je.? ghopDu'Daj rIQ nuD.
'IQchoHlaw'. <br><br>
vup'egh vay' neHbe' vajar. mermeH jatlh,?ghutaaaaaaaaar!? ruq nI' lIng
jatlhtaHvIS.<br><br>
ruqtaHvIS HoD Da ghutar, ?vajaaaaaaaaar!? Haghqu' ghutar vajar
je.<br><br>
jatlh HoD ?Hota'ro', yIruq.? nID Hota'ro' ach tuSqu'choH. 'Iw tuy'. Hagh
HoD. jatlh ?jaS bIruq. qatlh reH jaS bIvang, DeghwI'wI'??<br><br>
HoD bejmeH tlhe'eghchoH Hota'ro'. chechchu'mo' SomrawDaj SeHlaHchu'be'
'ej jIjbe'taH mInDu'Daj. pe'vIl HoD qIvDaq ghop lan 'ej jatlh ?Duj
vItoy'meH jIvang. chonuQchugh Sa'HutlIjDaq yIghoD.?<br><br>
Haghqu' HoD. Hota'ro' qIp 'e' ghetmeH vIHmo' quSDajvo' pum. Hu'choHDI'
pumqa'mo' ravDaq ba'taH. jatlh ?peqIm! peqIm!? ghop joqmoH. tamchoH
Hota'ro' ghutar je. HIq tlhutlhqa' HoD. HIvje' roQ. bejqu' latlhpu' 'e'
tu'DI' jatlh ?nuq??<br><br>
?bIjatlhrup'a', HoD?? jatlh Hota'ro'.<br><br>
jatlh HoD, ?ghobe', Sogh. jIchechqu' neH.? Haghqa'.<br><br>
?HoD,? jatlh ?Hota'ro', ?lagh jIHneH. ghIrel yIvbeH vItuQtaH. Sogh
DeghDaj Dalegh.? HIqDaj tlhutlhqa'. <br><br>
jangchoH HoD 'ach ghum SeHlaw. Hotlhqa' DujHey. SeHlaw'Daq vIH Hota'ro'
ghop 'ach mI'be' nItlhDu'Daj. Soy'qu'. ?va!? jatlh. ?jIchechqu'mo' botjan
vIchu'laHbe'.? <br><br>
?yIqImHa'. ngebqa'ba',? jatlh HoD. <br><br>
vay' ghum SeHlaw. ?Duj tu'law',? jatlh Hota'ro'.<br><br>
?qaboQ,? jatlh ghutar 'ej cholmeH QamchoHDI' bong vajar qIv pup 'ej pum.
SeHlaw ruQ 'e' nIDqa' Hota'ro' ghIq chechchu'mo' 'oHDaq vulchoH.<br><br>
?Qu'vatlh!? jatlh ghutar, Hu' 'ej SeHlawvo' Hota'ro' yuv. pay' ?jol!
yIbachrup!? jatlh. jol Qoybe' HoD. wewchoH muD 'ej pay' ghaH retlhDaq
QamtaH vay' 'ej vajar nachDaq vay' Qach. vulchoH.<br>
---<br>
SKI: Even Klingon livers have their limits.<br>
---<br>
No footnotes today, but here's a link.<br>
[<a href="http://vostokspacebeer.com/";>http://vostokspacebeer.com/</a>
]<br><br>
'ay''a' vagh originally contained a few more 'ay'mey, but as I put
subsequent 'ay''a'mey together (I've just started chorgh) it became
necessary to cut it here. So we leave vajar and what's left of his crew
right where they are for a couple of weeks of 'ay''a' jav, which may
themselves be interrupted jIghIQtaHvIS.</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol