tlhIngan-Hol Archive: Wed Nov 09 08:22:50 2011

Back to archive top level

To this year's listing

[Date Prev][Date Next][Thread Prev][Thread Next]

[Tlhingan-hol] vavwI' lut - SIm

ghunchu'wI' 'utlh ([email protected])

From: "ghunchu'wI' 'utlh" <[email protected]>
Subject: [Tlhingan-hol] vavwI' lut - SIm
Date: Wed, 9 Nov 2011 11:22:15 -0500
List-archive: <http://stodi.digitalkingdom.org/pipermail/tlhingan-hol/>
List-id: <tlhingan-hol.stodi.digitalkingdom.org>
List-subscribe: <http://stodi.digitalkingdom.org/mailman/listinfo/tlhingan-hol>, <mailto:[email protected]?subject=subscribe>

tera' DIS wa' Hut Soch vagh SImwI' je' vavwI'.
'echpI' cha'maHvagh (HP-25) 'oH.
'Itlh SImwI'vam.
ngugh 'Itlhqu'.
'oH ghunlaH lo'wI'.
'Itlhmo' wagh.

le' SImwI'.
HoSghaj.
mach.
juHmaj pa' SeQ vIDelta'.
reH pa'vamDaq SImwI' tu'lu'.
wa' raSHomDaq Dab.

muvuQ SImwI'.
muvoq vavwI'.
SImwI' wagh vIlo' 'e' chaw'.
'a reH pa'Daq ratlhnIS.
raSHom retlh quSDaq jIba'.
SImwI' ghunmeH mIw vIghoj.
Quj Del ghojmoHmeH paq.
maSDaq Saq 'e' ghet QujwI'.
Qujvam vInuD 'ej vIchov 'ej vIDub.
vIchoHta'DI' yuQ SarDaq SaqlaH QujwI'.
'a QapmeH Dup vISovchoHmo', Quj vItIvbe'choH.
vaj Quj vIchoHqa'.
vIj HoS vuSlaH.
qaDqa' Quj.

Quj vIDubta'mo' munaD vavwI'.
ghunwI' po' vImojlaH 'e' tlhojlaw'.
vaj mutungHa'.
DaH ghunwI' jIHmo' jIvum net DIl.
QorDu'wIj vIje'laH.

-- ghunchu'wI'

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol

Prev by Date: Re: [Tlhingan-hol] Analysing 'ejyo' and 'ejDo'
Next by Date: Re: [Tlhingan-hol] vavwI' lut - SIm
Previous by thread: Re: [Tlhingan-hol] Klingon Word of the Day: Hovtay'
Next by thread: Re: [Tlhingan-hol] vavwI' lut - SIm
Index(es):