tlhIngan-Hol Archive: Mon Nov 07 12:23:18 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' SochmaH jav: <tey'>
<html>
<body>
Just realized I didn't send one yet today ...<br><br>
They've cleaned up after the battle and taken the badly injured first
officer back to his room.<br><br>
<div align="center">76<br>
tey'<br><br>
</div>
meH SeHtaHvIS Hota'ro' QongtaH ghutar 'ej 'ungya tlhej HoD. chorDajDaq
Doqqu' pe'lu'pu'bogh DIr, 'ej loQ nIj 'Iw. yItmeH 'ej ba'meH 'utmo'
SomrawDu' QIHta'bogh jagh, wej toy'rup jatlh. tugh pIvchoH 'e' voq vajar.
'ungya Qup law' vajar Qup puS. Qup Hoch vajar beq.<br><br>
ghu ghaHtaHvIS vajar Heghpu'mo' qorDu'Daj[80], qawbe' 'ej luQaHbe'. tuq
ghajchugh Sovbe'. reH DujDaq toy' neHpu' vajar 'a mang mojpu'DI' ghor
waw'Daq toy' net ra'. 'avwI' ghaHpu'. toy'chu'taH 'e' Har. DughtaH. 'a
pa' not may' SIQpu'. loHmeH mIw ghojpu'. qama'pu' Qaypu'. tamey leHtaH.
DaSmey bochmoHtaH. voDleH toy'taH. 'a voDleH lutoy'pa' 'op yaSpu',
toy''egh. mochDajvaD Qaqlaw'bogh HoD Delpu'DI' vajar, numlu'pu' moch.
moch cho'be'pu' vajar. latlh 'avwI' numlu'pu'. SaHtaHmo' HoD Qaq,
beppu'DI' vajar may'DujDaq Qaylu'pu'. Seyqu'pu' vajar 'ach Do'Ha' waw'
rur may'Duj. qal 'op 'ej Qappa' yuDHa'wI'pu' Qap ngorwI'pu'. QuSHommeyvaD
jeSqangbe'chu'mo' Duvbe' 'ach law'mo' SuvmeH 'ebmey tonSaw' ghojpu'. nuH
law' lo'taH. SuvwI' po' mojta'. ngaq DujDaq Qaylu'pu', ghIq *Dugh*
nungwI'Daq Hung yaS gheSpu'. Dun HoD. woQ SaHbe'mo', vajar rur. qal wo'
'e' yajmo' Dup pIm wIvpu'. vajarvaD jatlhpu' <loghna'Daq nIteb mavang.
nuSIghbe' Sa'pu'. loghDaq jagh DIHoH. batlh mavang. bommey mabom 'ej
machmo' Duj nuSaHbe' ngup>. machmo' Hoch Duj Qu'mey ghojpu' vajar. wa'
jaj paj HoD. mID DabchoH 'ej chIjmeH paQDI'norgh ghojmoH. yaS wa'DIch
gheS vajar. <br><br>
mIDDaq HoD 'utlh Suchta' vajar. Sawbe'pu' HoD 'utlh 'a Sawpu' loDnI'Daj.
vajarvaD tey'Daj lIH HoD 'utlh. 'ungya ghaH. ropyaH DujDaq toy' 'ungya.
'ungya Qup law' vajar Qup puS 'ach loD rap luHo'mo' nom maqochpu' moj.
voqchuqlaH 'ej tlhejchuq 'e' tIv. rut Qu' rapvaD jeS tlharghDuj ropyaH
Duj je. may' Dun tIv 'ungya. pIj SuvwI' rIQ SIchmeH jagh law' jeynIS.
<br><br>
ngo'choHDI' Dujvetlh 'ej QopchoHDI' Duj chu' Suq HoD. *Dugh* 'oH. ngugh
Hoch cham chu' jomlu' 'ej nanbe'lu'chu'pu' Hoch 'ej teybe'lu'chu'pu'.
qaStaHvIS may' Heghmo' HoD, HoD gheSpu' vajar. law'bogh ta'mey Dun chav.
*Dugh*Daq Qay 'ungya. jonwI' boQtaHvIS patmey ghojlI'. tlharghDuj 'ormeH
ghojmeH vajar 'ej DeghwI' gheS ghIq yaS wa'DIch moj. vajar 'ungya je
ghojmoHpu'mo' vajar 'utlh 'ej 'ungya ghojmoHpu'mo' tennuSDaj vajar je
tlhoS rap vuDmeychaj. ghoHbe'taH. DaH qaStaHvIS wa'maH DIS tay'taHvIS
SuvtaH. vajarvaD tey', qeSwI', jup je ghaHlaw' 'ungya'e'. DaH ngo'choHpu'
*Dugh* 'ach matlhtaH.<br><br>
QongtaHvIS 'ungya jach 'ej nogh.<br>
--<br>
SKI: vajar has worked with 'ungya or his uncle for over thirty
years.<br>
--<br>
[80] This has to be pretty common in a culture of warfare and vengeance.
There must be orphanages for this sort of thing. </body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol