tlhIngan-Hol Archive: Fri Jul 08 10:40:48 2011

Back to archive top level

To this year's listing

• Index by Date
• Index by Thread
• Index by Author

HuDmeyDaq jIghIQlI'

ghunchu'wI' 'utlh ([email protected])

• From: "ghunchu'wI' 'utlh" <[email protected]>
• Subject: HuDmeyDaq jIghIQlI'
• Date: Thu, 7 Jul 2011 16:42:51 -0600

jIQuch. QaptaH juHDujmaj mach. 'oHDaq maQong. Hur raSDaq maSop. roD  
jIvut. jotmoH bIQtIq wab. jIQuchbej.

vagh Hu' vengmajvo' Hoqmaj wItagh. ram wa'DIch juppu' juH wISuch. ram  
cha'DIch raQHom QIvDaq maleS. wej Hu' QI'tu'Daq mapaw. Sumqu' chal.  
ghun pemmey. bIr rammey 'ach nubIrbe'moH juHDuj.

tIn bIQtIq. peDqu'pu'mo' 'ej tetlI' chuch nom vIHtaH bIQ. roD bIQtIq  
HeHDaq naghHommeyDaq maQamlaH 'ach DUSvam pa' maQamchugh mayIQqu'choH.

wa'Hu' bIQ tujDaq mareH. majaw latlhpu' maH je. Hawaii nganpu' DIqIH.  
matlhong: chaHvaD Pepsi wInobmo' chaHvo' HIq wIHev. HoDghaj HIq; loQ  
chechchoH be'nalwI'.

wa'leS veng tay wIghoS. Soj wIje'. Pizza Hut megh le' wISop. Sutmaj  
wISay'moH. ghaytan pa' lab'egh QInvam.

-- ghunchu'wI'

• Prev by Date: Re: Compensating
• Next by Date: qech potlh
• Previous by thread: Re: Compensating
• Next by thread: qech potlh
• Index(es):
  • Date
  • Thread
  • Author

Back to archive top level