tlhIngan-Hol Archive: Mon Jan 31 06:59:56 2011
[Date Prev][Date Next][Thread Prev][Thread Next]
qoqqoqmey - jaj cha'maH
- From: "ghunchu'wI' 'utlh" <[email protected]>
- Subject: qoqqoqmey - jaj cha'maH
- Date: Mon, 31 Jan 2011 09:56:55 -0500
DaHjaj nargh rutlhmey.
toH, lughbe' wa'Hu' rutlhmey.
DaHjaj yaHpu'.
SaH rutlhmey pIm.
SaH je mIr He SeHwI'.
nguSDI' HoS choHwI' je rarlI' beq.
chaq tugh ghoSlaH qoq chu'.
tugh ghoSlaHjaj jay'.
ghoSlaHpa' qoq, QapnIS SoSbor nguSDI' SeHwI'mey je.
SeHwI' pat 'ay'mey lan ghojwI'pu'.
Hoch lurarchoH.
chaq tugh SeHbeH pat.
tugh SeHbeHjaj jay'.
qoq ngo' wIghunqa'.
vIH'eghmoH 'oH wIneH.
nom wIQap.
wa' leQ wIchu'DI', poSDaq tlhe'chu'.
latlh wIchu'DI', nIHDaq tlhe'chu'.
lurgh SeHchu' qoq.
DoS puSDI' HaSta HotlhwI', vangbeH qoq.
lurgh ngu'laH SoSbor 'ej Qeq'eghlaH qoq.
chuq ngu'laH je SoSbor 'ej ghoSlaH qoq.
wa'leS rIn qoq chu' SeHwI' pat...'e' vItul.
-- ghunchu'wI'