tlhIngan-Hol Archive: Tue Jan 25 11:36:05 2011
[Date Prev][Date Next][Thread Prev][Thread Next]
qoqqoqmey - jaj wa'maH Soch
- From: "ghunchu'wI' 'utlh" <[email protected]>
- Subject: qoqqoqmey - jaj wa'maH Soch
- Date: Tue, 25 Jan 2011 14:32:50 -0500
DaHjaj mavumbe'...'ach loQ jIvum jIH.
roD qoq 'ay'mey DInabchu'.
pu'jIn DIghItlh.
De'wI'mey DIlo'.
motlh nIteb Qap De'wI'vam.
'ach rut latlh De' wIpoQ.
rut chu''eghmeH vay' QumnIS.
'ach qo'De'pat wInawlaHbe'.
pavchu'chugh nawlaHghach, jIngorlaH.
'ach jIngor vIneHbe'.
vaj chaw' vInej.
maSutlh jIH, qachmaj De'wI' vu'wI' je.
chaw' vISuq...'ach Qapbe'taH SIrgh wIlo'laHbogh.
latlh SIrgh vIngIplaH, 'ach vItlhapchugh QapHa' pat potlh.
vaj wavwI' vIjom. DaH wa' SIrghDaq rarlaH Dochmey law'.
DaH qo'De'pat nawlaH De'wI'meymaj.
SIbI' latlh Seng tu'lu'.
nubot chevwI' tlhoy'.
latlh chaw' vISuqnISlaw'.
ghaytan chaw'vam vIHevbe'.
Do'Ha'.
-- ghunchu'wI'