tlhIngan-Hol Archive: Tue Jan 25 10:19:18 2011

Back to archive top level

To this year's listing

• Index by Date
• Index by Thread
• Index by Author

qoqqoqmey - jaj wa'maH vagh

ghunchu'wI' 'utlh ([email protected])

• From: "ghunchu'wI' 'utlh" <[email protected]>
• Subject: qoqqoqmey - jaj wa'maH vagh
• Date: Tue, 25 Jan 2011 13:12:51 -0500

DaHjaj HotlhwI' wIwaH.

HaSta noch ghajlaH qoq SeHwI' pat.
SeHlawDaq cha'laH.
HaSta pojlaH.
ghomey nejlaH.
rItlhmey nejlaH.
che'ronDaq neSlo'nav tu'lu'.
mungDaq 'otlhmey tatlh.
DoSnaQmey 'ang neSlo'nav.
HaSta noch retlhDaq wovmoHwI' nguv wIlan.
wovmoHwI' Doq wIchu'DI', Doq neSlo'nav 'e' legh noch.
wovmoHwI' SuD wIchu'DI', SuD neSlo'nav 'e' legh noch.
vaj DoSnaQmey SamlaH qoq, vang'eghmoHtaHvIS.

wej noch De' pojmeH nuHmey DIyajchu'.
QIt maghojlI'.
tugh Hoch charghbeH qoqmaj!

toH, chenbe'taH qoq chu'.
baS meyrI' neH 'oHtaHqu'.
'ach SeHmeH SoSbor, De' wIpoQ.
'oghwI' wIghel: <nuqDaq bIH nguSDI'mey'e'? chay' ghoS mIrmey?>
De' wISuqDI' jIbItchoH.
wej rutlhmey vIHmoH wa' mIr.
Qatlh mIr He.
lang mIr.
pupbe'chugh Hoch, ghaytan QeyHa'choH mIr 'ej He ghoSHa'.
qaSchugh lotvam, vIHlaHbe' Hoch rutlhmey.
potlhbej 'ej Qatlhbej qoq leHwI' Qu'.
napbe'chu' qoqmaj nablu'bogh.
ghaytan 'ovtaHvIS qoq, vaQbe'.

ghojjaj ghojwI'pu'.

-- ghunchu'wI'

• Prev by Date: qoqqoqmey - jaj wa'maH loS
• Next by Date: qoqqoqmey - jaj wa'maH jav
• Previous by thread: qoqqoqmey - jaj wa'maH loS
• Next by thread: qoqqoqmey - jaj wa'maH jav
• Index(es):
  • Date
  • Thread
  • Author

Back to archive top level