tlhIngan-Hol Archive: Thu Aug 18 09:11:36 2011
[Date Prev][Date Next][Thread Prev][Thread Next]
wa'Hu' qay'lu'.
- From: "lojmIt tI'wI' nuv" <[email protected]>
- Subject: wa'Hu' qay'lu'.
- Date: Thu, 18 Aug 2011 12:09:57 -0400
- Dkim-signature: v=1; a=rsa-sha256; c=relaxed/relaxed; d=gmail.com; s=gamma; h=from:content-type:content-transfer-encoding:subject:date:message-id :to:mime-version:x-mailer; bh=WbLlJpXvmHDRu0AlGDfCg9f+dFyxZcnIIH9SnJKR7+w=; b=LnSfv7KtVkjFWLbHkWt4NxA5xtNt+GubEtoq/x/uaZY/6RZ5lWhByvUapodS3NQSOU PpSFyRNaikRH1lcVfZgkHc8Lz3V1LZigUOwG/8r/ZmWKmnmbK7TyeCUBsosdakot8Hrm TAoE+5kbrYFcv76qUgDTBgTyP/Cwa0MBcCVsA=
<<tunHom Qorwagh Soch>> vImuS net Sov. wa'Hu' meq chu' vISuq.
wa'ben Qorwagh Soch Suq Qorwagh XP lo'pu'bogh De'wI''e'. qaSpa' choHvam ghItlhlaH De'wI' patvam. navmey chenmoHlaH. qaStaHvIS DISvam, ghItlhlaHbe'. navmey chenmoHmeH jan SamlaHbe' De'wI'.
De'wI'vam lo'taH ghojmoHwI''a'. qay'DI' De'wI' muja'be'. ghojmoHwI''a'mo' ghaH De'wI' lo'meH mIw SovnIS Hoch ghojmoHwI''a'pu' quv 'e' Har, vaj qay'taHghach So'.
'ach wa'Hu' ghItlhnISchoH. vaj bepchoH.
jIpawDI', <<tunHom mu'>> lo'lI'. vIra' <<yIghItlh>>. glhItlhmeH jan vIwIv 'e' vInID, 'ach tetlhDaq Dach ghItlhmeH jan.
Qorwagh Soch ghItlhmeH jan tetlh vISam. pa' Dach je ghItlhmeH jan.
ghItlhmeH janvam chenmoHwI' Website vISuch. "Driver" vISuq. vIjom 'e' vInID, 'ach vumQo'. jan SamlaHbe'.
Qorwagh Soch janmey vu'wI' vItagh. DachtaH ghItlhmeH jan. rarmeH, USB lo'. rarbej, 'ej chu'bej, 'ach SamlaHbe' De'wI'.
jImoghchoH.
ghIq HaSta pIrmuSDaq nIHDaq joqwI'Hom vItu'. vIwIvDI' tetlhHom mu'ang. loS chovnatlh 'ang.
muja' <<qaStaHvIS poH 'Iq Hotlhbe' Qorwagh HubwI'.>> jISaHbe'. lI'be' Qorwagh HubwI' net Sov. ngoDHom lI'be' 'oH. wej ngoDHom lI'be' muja' tetlhvam, 'ach potlh ngoDHom loSDIch:
"HP has a driver for this printer."
ngoDHom vIwIvDI', tagh mIw. DaH vumlaH ghItlhwI'. navmey chenmoHlaH.
QIp mIwvam. mIw ngo' bot mIw chu'. Qatlhmo' SammeH mIw chu', QIp.
Qorwagh Soch vImuSchu'taH.
pItlh.
lojmIt tI'wI' nuv