tlhIngan-Hol Archive: Thu Dec 30 15:25:55 2010
[Date Prev][Date Next][Thread Prev][Thread Next]
Re: Qom
- From: R Fenwick <[email protected]>
- Subject: Re: Qom
- Date: Fri, 31 Dec 2010 09:23:34 +1000
- Importance: Normal
ghItlhpu' ter'eS, jatlh:
>pa'Daq QomlaH 'e' vISovbe'.
Hoch DaqDaq QomlaH. AustraliaDaq Hopqu' Seq'a'mey - tera' ghor "plate"
botlhDaq Australia tu'lu' - 'ach rut naDev'e' Qom. 'ej QomlaH motlh 'e'
wIqelbe'mo' qachmeymaj DIchenmoHDI', tInlaH QIH. 1989, Australia veng
NewcastleDaq Qom. Richter juvmeH mIw'e', vagh vI' jav neH juv. 'a Hegh
wa'maH wej nuv 'ej QIH tI'lu'meH 'ut loSSanID 'uy' DeQmey.
ghunchu'wI', pagh QIHlu'pu'mo' 'ej pIvtaHmo' Hoch jIbel. ret SoHDaq
Qompu''a'?
QeS 'utlh