tlhIngan-Hol Archive: Mon Mar 03 05:23:02 2008

Back to archive top level

To this year's listing

• Index by Date
• Index by Thread
• Index by Author

De' cha': qoq

Alan Anderson ([email protected])

• From: Alan Anderson <[email protected]>
• Subject: De' cha': qoq
• Date: Mon, 3 Mar 2008 08:21:16 -0500

qaD cher FIRST (http://www.usfirst.org).  jeS vengwI' DuSaQ.  ghojwI'  
ghom vIboQ.  qaStaHvIS jav Hogh qoq 'ogh 'ej chenmoH 'ej ghun.   
qaSpu'DI' chenmeH poH, mevnIS ghom 'ej che'ronDaq qoq HIjnIS.

loS ben ghom muv puqloDwI'.  jIghun net Sov, 'ej ghojwI' boQlaHbogh  
ghunwI' poQmo' ghom, vISapmoHlu'.  DaH DuSaQvetlh mejta' puqwI', 'ach  
ghom vIboQtaH 'e' vItIvchu'.

motlhbe' DISvam.  law' ghunqangbogh ghojwI'.  motlh ruchrup wa' neH.   
jIDo'; yInmey law' vISIghlaH.

Dorpa' chenmeH poH, jIghIQ.  qoq yab lurInmoHmeH ghojwI'pu' Qu' naQ  
lulajnIS.  Qap.  qoqDaq bobcho' chu' jomlu'DI', lughunchoH 'ej  
bobcho' ma' qoq SeHlaw.

Sep qaDmeyDaq cha'logh 'ov ghom net nab.  ghIq yuQ qaDDaq 'ov.  (Hoch  
yuQ qaDDaq jeSta'mo' ghom vIboQbogh, qaStaHvIS wa'maH Soch DISmey,  
reH jeSlaH net chaw'.  jeS 'e' bajnISbe'...'ach reH bajta'qu'.)

qaSpu' Sep qaD wa'DIch.  DaHjaj Dotlhmaj vIDellaHbe'.  poH  
vIHutlhbogh vIlo'laHbe'.

-- ghunchu'wI'

• Follow-Ups:
  • Re: De' cha': qoq
    • From: Doq <[email protected]>

• Prev by Date: Klingon WOTD: tay (verb)
• Next by Date: Re: De' wa': SoSnI'wI'
• Previous by thread: Re: Klingon WOTD: tay (verb)
• Next by thread: Re: De' cha': qoq
• Index(es):
  • Date
  • Thread
  • Author

Back to archive top level