tlhIngan-Hol Archive: Mon Jul 28 18:34:40 2008
[Date Prev][Date Next][Thread Prev][Thread Next]
bong jIjeStaH
- From: Doq <[email protected]>
- Subject: bong jIjeStaH
- Date: Mon, 28 Jul 2008 21:32:59 -0400
- Authentication-results: smtp07.embarq.synacor.com [email protected]; auth=pass (LOGIN)
- Dkim-signature: v=1; a=rsa-sha1; d=embarqmail.com; s=s012408; c=relaxed/simple; q=dns/txt; [email protected]; t=1217295182; h=From:Subject:Date:To:Mime-Version:Content-Type; bh=H5lo0oGTjnVvuMDttyEGlVC/89o=; b=X7akpwiygzPjN1Kl4vVtix8fp1lQkrJm0oWRtttQsJYjUoQ1tLxT+QXmwHth9Irw V4RS+uDxV7VPvWD+WkuB0rD8j5c+V+/MjPdNgGvv3muLYbs2OgGTKvgJscpaqRdw;
- X_cmae_category: 0,0 Undefined,Undefined
QIntlheghvam vImuvHa' 'e' vInID, 'ach jIlujpu'. mubuSHa'taH qoq'.
QInmey vIHevtaH.
jIjeSmeH jIqelqa'. jIDochpu'mo' HochvaD jItlhIj. roD jIDochDI', jIQIp
je. jIQIp vIneHbe'.
<<chu'bogh mu'mey law' munobnIS Okrand pagh Hegh Holmaj!>> vIlaDDI'
jImoghchoH. <<jeSwI'pu' chu' DatIchbe'nIS pagh Hegh Holmaj!>> vIlaDDI'
jImoghchoH. jImoghDI', jIDochchoH 'ej jIQIpchoH.
Qu'vatlh!
toH, qatlh jImoghchoH?
Holmaj lo'lu'taHvIS yInlI' Holmaj. pIj Heghpu'bogh Holmey law' qel
Holtejpu', yInbogh Hol lulo'taHvIS.
QIntetlhvamDaq yIntaHba' English. reH lo'lu'taH. yIn'a' tlhIngan Hol?
jISovbejbe'. qub tlhIngan QIn.
jeSQo' HochHom tlhIngan Hol jatlhwI'na'pu':
yoDtargh
Qanqor
Qov
charghwI'
ghuy'Do wa'
latlhpu' je.
tlhIngan Hol DaghojlI'chugh (qoj tlhIngan Hol Daghojbe'chugh), QInvam
DajeStaH, 'ach ghaytan tlhIngan Hol DajatlhchoHbej, bIjeS 'e' Damej.
ngoDvam vIwuqtaHvIS muDev qun.
toH, yIn'a' tlhIngan Hol? chaq not yInchoH. vaj chay' HeghlaH? qechvam
yIqel. maja'chuqjaj!
jIQIpQo'meH, tlhIngan Hol neH vIlo'.
Doq