tlhIngan-Hol Archive: Mon Dec 29 16:05:54 2008
[Date Prev][Date Next][Thread Prev][Thread Next]
Re: Hov machqu' luchenmoHlu'ta'bogh lulaQ 'e' lunab tejpu'
lachchu' ja'wI'. chenbe' Hov. "cap" tIQ rur Hovqoqvam.
"cap" vIqelbogh DaSov'a'? puq HIchHey nIchHom 'oH.
nIchHom mupDI' Doch let, jor "cap". pagh QIH; pagh HoH.
wab ngal neH chenmoH.
"cap" Del lut 'aghbogh Voragh.
boq nIn qurghHom lumup 'uD'a' tIHmey.
ghIq jor qurghHom...Qapchugh ngong.
wa'logh tlhuD Hovqoq ngeb. Hovna' rurbe'.
boq wanI' qaSmoH jan tInqu'. SIbI' rIn wanI'. taHbe' boq.
Hov machqu' mojbe'. boq jorwI' machqu' moj.
'ach meQSIp jorwI' pong Hajlu'mo', vIt qImHa'lu' 'ej lut muj ja'lu'.
lut per mughDI' vay', lut ngeb taHmoH.
vaj vImughqu'Qo' jIH. vIlughqu'moH:
<boq jorwI' machqu' luchu' tejpu' 'e' lunab>
-- ghunchu'wI'